Read Khoekhoegowab 2 Korinteǁîn 2 Bible Online

2 Korinteǁîn 2 - Khoekhoegowab bible

2 Korinteǁîn 2

¹Tsî ta ge nēsa tita ǃnâ ge ǂâibasen, ǁkhawa ta sadu tawa ǃoab ǃnâ sī tidesa.

²Tita ga sado ǃoaǃoao, tari-e, tita ra ǃgâiaǂgao kai-e, tita xu ge ǃoaǃoahe hâ-i tama i ga io?

³Tsî ta ge sado ǁîs ǁkhāsa ge xoaba, î ta tā, sī ta kao, ǃoa-e ūhâ ǁnān, ǁîn ǂama ta nî ǃgâiaǂgaon xa, sadu hoado ta ra ǂgomaiǂnûi xui-ao, ti ǃgâiaǂgaob a sadu hoadu di ǃgâiaǂgao ǃkhaisa.

⁴Kai ǁgâiǀāb tsî ǂgaob di ǀhūba xu tsî ǂgui ǁgamron ǀkha ta ge ge xoaba du, ǃoaǃoahe du nîse tama i, tsî du nî ǀnamma mûǂanse, ǃnāǂamsase ta sadu ǃoa ūhâba.

⁵Tsî khoe-i ga ǃoa-e ǃaromabao, o i kom tita ǀguita ǃoaǃoa tamao, tsî ǃâ-i ǃnâ (ǃgomǃgom i ta tidega) sadu hoado.

⁶ǁNāti ībab ge ǂâuba hâ nē ǁkharab, ǂguina xub ge hōba;

⁷o du ge ǁnāti ība ǁnās ǂamai nî ǀûba tsî ǁkhaeǂgao, îb ǁnāti ība tā ǀnîsi ǃnāǂamsa ǃoab xa hapuhe.

⁸ǁNā-amaga ta ra ǁnama du, ǀnamma du nî ǀgaiǀgaiba bi ǃkhaisa.

⁹ǁNās ǃoa ta ge ǁkhāti ge xoaba du xui-ao, sado ta nî ôaǃnâ ga î ta mû, ise du nî hoan ǃnâ ǁnâuǀnamxa ǃkhaisa.

¹⁰Tsî sadu ga xū-e ǀûba-i ge tita on ra ǀûba-e; tsî tita ga ǁkhāti xū-e ǀûbao, o ta ge sadu ǃaroma ge ǀûba i Xristub di ais aiǃâ, ǁgâuab xa da gāxaǃnâhe tidega.

¹¹ǀŪǂamse da kom hâ tamao, tare-eb Satanna ǂâibasen hâ ǃkhaisa.

¹²Tsî Troas tawa ta ge sīo, Xristub di ǃgâiǂhôasa ta nî aoǁnâse, tsî dao-am-e ta ge ǃKhūb ǃnâ ǁkhowa-ambaheo, o ta ge ti gagas ǃnâ ǀhâi-e ūhâ tama ge hâ i, Titub, ti ǃgâsaba ta ge hō tama i amaga;

¹³o ta ge ǁîna tawede, tsî Masedoniab ǃoa ge dāǁnâ.

¹⁴Tsî Eloba ab ganganhe, mâ ǁaeb hoab ai sige ra dan kaiba Xristub ǃnâ, tsî ǁîb ǂans di ǁamaba sige xu ǃkhaidi hoadi ai ra ǂhai kaiba.

¹⁵ǃGâi ǁamage Xristub dige ge sige xui-ao Elob tawa ǃgâiǃō ran ǃnâs karao, kāǁō ran ǃnâs karao;

¹⁶nēna ge ge ǁōb di ǁamase ība ǁōb ǃoa, tsî nauna ûib di ǁamase ûib ǃoa. Tsî tari-e ǁîna ǃoa a ǁkhā?

¹⁷ǂGuigu Elob mîsa ǁamaxūxūse ǂkhoregarugu khami ge ī tama xui-ao; xawe ge ge ǂhauǃnâsiba xu, tsî Eloba xu, Elob hâ khami ra ǃhoa Xristub ǃnâ.