Read Khoekhoegowab Galateǁîn 6 Bible Online

Galateǁîn 6 - Khoekhoegowab bible

Galateǁîn 6

¹ǃGâsado, khoe-i ga ǃûǂam-i xa hāǂamheo, ǁnâi sadu, Gagab dido, ǁnāti ī-e tsamtsiǃnâ gaga-i ǀkha ǃkhō-ūnu; î ǁî-aitsama ǂanbasen, sats on ǃâitsâhe tidese.

²A-i nē-e nau-i di ǃgomga tani, î du ǁnāti Xristub di ǂhanuba dīǀoaǀoa;

³khoe-i ga: Xū ta a, ti ǂâi, xū tama i hâ hîa, ǁnā-i ge ǁî-aitsama ra garasen xui-ao.

⁴A i mâ-i hoa-e ǁî-i sîsenni ǂhaniba ôaǃnâ, o i ge ǁî-i ǀgui-i tawa koa-e nî ūhâ, tsî nau-i tawa tama;

⁵mâ-i hoa-i ge ǁî-i di ǃgommi ǂûba nî tani xui-ao.

⁶Tsî mîs ǃnâ ra ǁkhāǁkhāhe-e, a-i ǁîba ra ǁkhāǁkhāba xūn hoan ǃnâ amǃnâxa kai.

⁷Tā ǁhapu! Elob ge ǃhōkaisen tamaba. Khoe-i ga tsoro-i hoa-i, ǁnā-e i kom ǁkhāti nîra ǃgaobaseno:

⁸ǁÎ-i ǁgans ai ga tsoro-i, ǁnā-i kom ǁgansa xu kāǁōsiba nîra ǃgaobaseno; tsî Gagab ai ga tsoro-i, ǁnā-i kom Gagaba xu ǀamo ûiba nîra ǃgaobaseno.

⁹Î da ǃgâidīsa tā tsau; Elob ge mûǂuibasen ǁaeb ai da nîra ǃgaobasen xuige, tsau tama da ga io.

¹⁰ǃGâiga ǁaeba da ūhâ hîa, a da ǁnâi hoana ǃgâidība, tsî ǃgōsase ǂgoms horesana.

¹¹Mû, matikō kai ǂkhanimûdi ǀkha ta go xoaba du ǃkhaisa ti ǃommi ǂûb ǀkha.

¹²ǁGans ǃnâ ǃgâi īsi-e ǁgau ǂgao hân hoan, ǁnān ge sado ra ǁgari, ǃgaokaisen du nîsa, nēs ǀguis ǃaroma, ǃgâuhaib Xristub dib ǃaroman ǃgôaǃgonhe tidese.

¹³ǁÎn ǃgaokaisen ran ǂûn kom ǂhanuba ǃkhōǀgaipe tamao; xawen ra ǂgao, sadu nî ǃgaokaisen ǃkhaisa, în ga sadu ǁgans ǃnâ koasen ǁkhā ti.

¹⁴Xawe as tita tā ība, ǀnî xū-i xa ta nî koasen ǃkhaisa, Jesub Xristub sada ǃKhūb di ǃgâuhaib ǀguib xa, ǁîba xub ǃhūbaiba tita ǃgâubahe hâba, tsî tita ǃhūbaiba.

¹⁵Xristub Jesub ǃnâ ra ge ǃgaos karao, aikhōb karao xū tama xui-ao, xawe ǀasa kurusabe-i ge a xū.

¹⁶Nē tsôanaba-ūn ra tanisens kōse, ǁîn ǂama ab ǂkhîb tsî ǀkhomxaǂgaosiba hā, tsî Elob di Israeli ǂama.

¹⁷ǃAruǀî a-i khoe-i xare-e tita tā ǁnora; tita ge ǃKhūb Jesub di ǀhapin saode ti soros ǃnâ ra tani xuige.

¹⁸ǀKhommi sada ǃKhūb Jesub Xristub diba ab sadu gagas ǀkha hâ, ǃgâsado! Amen.