Read Khoekhoegowab Koloseǁîn 4 Bible Online

Koloseǁîn 4 - Khoekhoegowab bible

Koloseǁîn 4

¹Sago ǀhonkhoego, ǂhanu tsî anu hâ-e ǃgāga dī-ū, î go ǂan, sago ǁkhāti ǃKhūba ǀhommi ǃnâ ūhâ ǃkhaisa.

²ǀGores ǃnâ hâhâ, î du ǁîs ǃnâ gangans ǀkha ǂkhaikari hâ;

³î du ǁkhā ǁaeb ǃnâ ǁkhāti sige ǀgoreba, Elob nî sige mîs di dao-amsa ǁkhowa-amba, ǂganǃgâsib Xristub diba ge nî ǃhoa ǁkhāse, ǁîb ǃaroma ta ǁkhāti ǃgaehe hâba;

⁴î ta ǁîba ǂhaiǂhai ǁkhā, ǃhoa ta nî khami.

⁵Gā-aisib ǀkha tanisen ǃauga hân tawa, î du ǁaeba ǁamaǂuibasen.

⁶As mîs âdo mâ ǁaeb hoab ai ǀnamǀnamsase ī, ǂō-i ǀkha tsoro-aihe hâse, ǂan du nîga, mati du nî mâ-i hoa-e ǃereamsa.

⁷Mati i tita ǀkha īsab ge Tixikuba nî ǂanǂan du, ǀnamǀnamsa ǃgâsab, tsî ǂgomǂgomsa ǃgāb, tsî ǀhaoǃoabasabeba ǃKhūb ǃnâ;

⁸ǁîba ta ǁîs ǃoa sadu ǁga ge sî, ǁnâuǃāb nîga, mati i sadu ǀkha īsa, tsîb nî sadu ǂgaoga ǁkhaeǂgaose,

⁹Onesimub ǀkha, ǂgomǂgomsa tsî ǀnamǀnamsa ǃgâsab, sadu din diba. Matin nēpa hoana īsa kha ge nî ǂanǂan du.

¹⁰Aristarxub ti ǀhaoǃkhōsab, ge ra tawede du tsî Markub Barnabab di ǁnurib, ǁîb xa du ge mîmāde hōb (sadu tawab ga sīo, ǃkhōǃoa bi re);

¹¹tsî Jesub, Justub ti ra ǂgaiheb tsîgu, ǃgaohesa aoga. Nēgu ǀguigu ge Elob gaosib ǃnâ ti ǀhaoǃoabasabe ge i, tita ge ǁkhaeǂgaose ība i ga.

¹²Sadob ra tawede Epafrab sadu dib, ǃgāb, Xristub Jesub dib hugaǀgui sadu ǃaroma ǀgores ǃnâ ra ǂâi duba, dītoahe hâse tsî dīǀoaǀoahe hâse du nî Elob di ǂâis hoas ǃnâ mâse;

¹³ǁîb xa ta a ǃkhō-am ǁkhā, kai ôasasi-eb sadu tsî Laodiseas din tsî Hierapolis dina ūba hâ ǃkhaisa.

¹⁴Lukab sōǀôadī-aob, ǀnamǀnamsab tsî Demab tsîkha ra tawede du.

¹⁵Tawede du re Laodiseas ǃnâ hâ ǃgâsagu, tsî Nimfas tsî ǁîs oms ǃnâ hâ ǀhaohâba.

¹⁶Tsî nē sîǂkhanis ga sadu tawa khomaiheo, dī, îs ǁkhāti Laodiseas di ǀhaohâb ǃnâ khomaihe, î du sado ǁkhāti Laodiseas disa khomai.

¹⁷Î du Arxipuba mîba: ǃKhūb ǃnâts ge hō ǃoabasa kō, î dīǀoaǀoa si.

¹⁸Tawedes tita Pauluta di ǃommi ǂûb ǀkha. Ti ǃgae-ūdan xa ǂâiǂâisen re. ǀKhomma ab sadu ǀkha hâ! Amen.