Read Khoekhoegowab Josuab 12 Bible Online

Josuab 12 - Khoekhoegowab bible

Josuab 12

¹Tsî nēgu ge gao-aogu ǃhūb digu, Israeli ôan ge ǂnaugu tsî ǃhūb âga ǀumise ūga Jordanǃāb nauǃanib ai, sores ra ǁhaiǀî, ǃārob Arnonna xu Hermonǃhommi kōse tsî ǂgās hoasa aiǂoasǀî:

²Sihonni, Amorǁîn di gao-aob, Hesbons tawa ge ǁan hâ ib, Aroers, ǃārob Arnonni amǃgâ hâs tsî ǃārob ǁaegu ǁgoes tawa tsî Gileadi di ǃkhareb tsî Jabokǃāb, Amonni ôan di ǀkharib ǂama ge gaoba;

³tsî ǂgās ǂama hurib Kinereti kōse aiǂoasǀî tsî ǂGās di Hurib, ǂŌxahurib kōse aiǂoasǀî, Bet-Jesimots ǃoa gau daob ai; tsî ǃkhawagasǀî Asdot-Pisgas ǃnaga;

⁴tsî Ogi, Basanni di gao-aob, Refaimǁîn xa ge ǃgaub, Astarots tawa tsî Edreis tawa ge ǁan hâ ib di ǀkharib ona,

⁵tsîb ge ge gao Hermonǃhommi ǂama tsî Salxab ǂama tsî Basanni hoab ǂama Gesurǁîn tsî Maaxatǁîn di ǀkharib kōse, tsî Gileadi di ǃkhareb, Sihonni, Hesbons di gao-aob di ǀkharib kōse.

⁶Moseb, ǃKhūb ǃgāb tsî Israeli ôan tsîn ge ǁîna ge ǂnau, tsî Moseb, ǃKhūb ǃgāb ge Rubenǁîn, Gadǁîn tsî ǃkhare ǃhaos Manaseb disa ǃhūba ǀumiǁîsise ge mā, ǁîn di ǃâdi ǃoa.

⁷Tsî nēgu ge gao-aogu ǃhūb digu, Josuab tsî Israeli ôan ge nēxa ǃanib Jordanǃāb dib ai ǂnauga, huriǂoasǀî Baal-Gadsa xu ǃgoaǃnāb Libanonni dib ǃnâ tsî ǁnā ǃgora ǃhommi Seiri ǃoa gaub kōse; tsî Josuab ge ǁîba Israeli di ǃhaode ǀumiǁîsise ge mā ǁîn di ǃâdi ǃoa,

⁸ǃhommi ai, ǃgoab ǃnâ, ǂgās ai, ǁgammi di dâuǃkhaidi ǃnâ, ǃgaroǃhūb ǃnâ tsî ǃkhawagasǀî hân: Hetiǁîn, Amorǁîn, Kanaanǁîn, Perisiǁîn, Hiviǁîn tsî Jebusǁîn tsîna.

⁹Gao-aob Jerixos dib a ǀgui; gao-aob Ais, Bet-Els xōǀkhā ǁgoes dib a ǀgui;

¹⁰gao-aob Jerusalems dib a ǀgui; gao-aob Hebrons dib a ǀgui;

¹¹gao-aob Jarmuts dib a ǀgui; gao-aob Laxis dib a ǀgui;

¹²gao-aob Eglons dib a ǀgui; tsî gao-aob Gesers dib a ǀgui;

¹³gao-aob Debirs dib a ǀgui; gao-aob Geders dib a ǀgui;

¹⁴gao-aob Hormas dib a ǀgui; gao-aob Arads dib a ǀgui;

¹⁵gao-aob Libnas dib a ǀgui; gao-aob Adulams dib a ǀgui;

¹⁶gao-aob Makedas dib a ǀgui; gao-aob Bet-Els dib a ǀgui;

¹⁷gao-aob Tapuaxs dib a ǀgui; gao-aob Hefers dib a ǀgui;

¹⁸gao-aob Afeks dib a ǀgui; gao-aob Lasarons dib a ǀgui;

¹⁹gao-aob Madons dib a ǀgui; gao-aob Hasors dib a ǀgui;

²⁰gao-aob Simron-Meroms dib a ǀgui; gao-aob Axsafs dib a ǀgui;

²¹gao-aob Tanaxs dib a ǀgui; gao-aob Megidos dib a ǀgui;

²²gao-aob Kedes dib a ǀgui; gao-aob Jokneams, Karmeli tawa ǁgoes dib a ǀgui;

²³gao-aob Dors, Nafot-Dors amǃgâ ǁgoes dib a ǀgui; gao-aob ǀūben, Gilgals tawa hân dib a ǀgui;

²⁴gao-aob Tirsas dib a ǀgui. Nē gao-aogu hoagu ge ǃnonadisiǀguiǀaga.