Read Khoekhoegowab Josuab 15 Bible Online

Josuab 15 - Khoekhoegowab bible

Josuab 15

¹Tsî ǂnōgus Judab ôan dis ge ǁîn ommi din ī xase ī: ǀKharib Edommi dib, ǃgaroǃhūb Sinni ǃkhawagas ǀkhāb dib ge ǃkhawagas di ǀkhâuǀam ge i.

²Ob ge ǁîn di ǀkharib ǃkhawagasǀîb diba ǂŌxahurib di ǀkhâuǀam ge i ǁnā nammi, ǃkhawagasǀî ra ǂuiba xu.

³Tsîb ra ǂoa ǃkhawagasǀî Akrabimmi di ǀgapib ǃoa tsî Sins ǃoa ra ǃganu, tsîb ra ǃkhawagasa xu Kades-Barneas ǃoa ǃapa tsî Hesronsa ǃganu tsî Adars ǃoa ra ǃapa tsî Karkas ǃoa ra nami;

⁴tsîb ge ǃgâu Asmons ǃoa tsî ra sī ǂoa Egipteb di ǃārob tawa; tsî ǀamǂoadi nē ǀkharib didi ge hurib tawa nî hâ. Nēb ge sadu di ǀkharise nî ī ǃkhawagasǀî.

⁵Tsî ǀkharib aiǂoas ǀkhāb dib ge ǂŌxahurise nî ī Jordanǃāb di ǀkhâuǀams kōse; tsî ǀkharib ǀapas ǀkhāb dib ge hurib di namma xu nî ī, Jordanǃāb di ǀkhâuǀamsa xu.

⁶Tsî nē ǀkharib ge nî ǃapa Bet-Hoglas kōse tsî nî ǃganu ǀapasa xu Bet-Arabas ǃoa; tsî nē ǀkharib ge nî ǃapa Bohanni, Rubenni ôab di ǀuib kōse.

⁷ǃAruǀîb ge nē ǀkhariba nî ǃapa Debirs ǁga ǃgoaǃnāb Axora xu tsî ǀapasǀî nî ǂui Gilgals-Adumims di ǀgapib, ǃārob di ǃkhawagasǀî ǁgoeb tawa hâsa. ǁNās khaoǃgâb ge ǀkhariba nî ǃganu En-Semes di ǁgammi kōse tsî ǁîb di ǀamǂoadi ge En-Rogels tawa nî ǂoa.

⁸Tsî nē ǀkharib ge nî ǃapa Hinommi ôab di ǃgoaǃnāb ǃnâ Jebusǁîb xōǀkhā ǃkhawagasǀî, ǁnās ge Jerusalemsa; tsî nē ǀkharib ge nî ǃapa ǁnā ǃhommi, ǃgoaǃnāb Hinommi ǃnâ ǁgoeb di ǂaob kōse huriǂoasǀî, ǀkhâuǀams ge nēs, Rafaimǁîn di ǃgoaǃnāb disa ǀapasǀî.

⁹ǁNās khaoǃgâb ge nē ǀkhariba nî sī ǃhommi di ǀgapiba xu ǁgamǀaus Neftoaxs kōse tsî nî ǂoa Efronǃhommi di ǃādi kōse. ǃAruǀîb ge nē ǀkhariba Baalas, ǁnās ge Kirjat-Jearims kōse nî sī.

¹⁰ǁNās khaoǃgâb ge nē ǀkhariba Baalasa xu huriǂoasǀî nî ǃoa ǃhommi Seiri ǃoa tsî nî ǃganu ǃhommi Jearims xōǀkhā ǀapasǀî, ǁnās ge Kesalonsa; tsîb ge Bet-Semes ǃoa ǁgôa tsî Timnasa nî ǃganu.

¹¹ǃAruǀîb ge nē ǀkhariba nî ǂoa Ekrons xōǀkhā ǀapasǀî, tsî nē ǀkharib ge nî sī Sikerons kōse, tsî Baalaǃhomma īǂam tsî nî Jabneels tawa ǂoa; tsî ǀamǂoadi nē ǀkharib didi ge huribǀî nî ǂoa.

¹²Tsî ǀkharib huriǂoas dib ge Kaihuribǀî nî ǂoa tsî ǀkharib âb nēb ge ǀkharib Judab ôan diba ǁîn ǂnamipe, ǁîn ommi din ī xase.

¹³Xawe Kaleb, Jefuneb ôabab ge Judab ôan ǁaegu amǃnâ-e ge mā, ǃKhūb di mîmās ǃoa Josuab ǁga: Arbab, Anaki ôab di ǃāsa, ǁnās ge Hebronsa.

¹⁴Tsî Kaleb ge ǁnāpa xu ǃnona ǀgôagu Anaki diga ge doeǁgabē: Sesaib, Ahimanni tsî Talmaib tsîgu, Anaki ôaga.

¹⁵Tsî ǁnāpa xub ge ge ǃapa Debirs di ǁansaben ǃoa; tsî Debirs di ǀons ge aiga Kirjat-Sefer ge i.

¹⁶Tsî Kaleb ge ge mî: Kirjat-Sefersa ǂnau tsî ga ū sib, ǁîba ta ge tita ti ôas Axsasa tarase nî mā.

¹⁷ǃNubaib ge Otnieli, Kenab, Kaleb ǃgâsab di ôaba ǁîsa ge ū; ob ge Kaleba ǁîba Axsas, ǁîb di ôasa tarase ge mā.

¹⁸Tsî i ge ge ī, ǁîb tawas ge hāo, os ge ǁîba ge ǂgaoǂgaoǃnâ, ǁîs di îb tawab nî ǃhū-e ǂgan ǃkhaisa ti, os ge eselsa xu ge uriǁgôa; ǃnubaib ge Kaleba ǁîs ǃoa: Tare-es ôa hâ? ti ge mî.

¹⁹Os ge ge mî: ǀKhaexū-e mā te re. ǂNâsa ǃhū-ets ge mā te xuige ǁkhāti ǀaude mā te re. ǃNubaib ge Kaleba ǁîsa ǀgapise ǁgoe ǀaudi tsî ǃnaga ǁgoe ǀaudi tsîde ge mā.

²⁰Nēs ge amǃnâs Judab ôan di ǃhaos disa, ǁîn ommi din ge ī i xase.

²¹Tsî nēdi ge ǃādi Judab ôan di ǃhaos di ǀkhâuǀamsa xu Edommi di ǀkharib kōse ǃkhawagasǀî: Kabseels, Eders, Jagurs,

²²Kinas, Dimonas, Adadas,

²³Kedes, Hasors, Jitnans,

²⁴Sifs, Telems, Bealots,

²⁵Hasor-Hadatas, Keriot-Hesrons, ǁnās ge Hasorsa,

²⁶Amams, Semas, Moladas,

²⁷Hasar-Gadas, Hesmons, Bet-Pelets,

²⁸Hasar-Suals, Bersebas, Bisiotias,

²⁹Baalas, Ijims, Esems,

³⁰Eltolads, Kesils, Hormas,

³¹Siklags, Madmanas, Sansanas,

³²Lebaots, Silhims, Ains tsî Rimons tsîde. Nē ǃādi hoadi ge a ǀgamdisikhoeseǀa tsî ǁîdi di ǃhaide.

³³ǃGoaǃnāb ǃnâ di ge Estaols, Soras, Asnas,

³⁴Sanoaxs, En-Ganims, Tapuaxs, Enajims,

³⁵Jarmuts, Adulams, Soxos, Asekas,

³⁶Saarajims, Aditajims, Gederas tsî Gederotaims tsîde hâ: Disihakaǀa ǃādi tsî ǃhaidi âde.

³⁷Senans, Hadasas, Migdal-Gads,

³⁸Dileans, Mispes, Jokteels,

³⁹Laxis, Boskats, Eglons,

⁴⁰Kabons, Laxmas, Kitlis,

⁴¹Gederots, Bet-Dagons, Naamas tsî Makedas tsîde: Disiǃnaniǀa ǃādi tsî ǃhaidi âde.

⁴²Libnas, Eters, Asans,

⁴³Jiftaxs, Asnas, Nesibs,

⁴⁴Keilas, Axsibs tsî Maresas tsîde: Khoese ǃādi tsî ǃhaidi âde.

⁴⁵Ekrons tsî ǁîs ǃnaga hâ ǃādi tsî ǃhaidi âde,

⁴⁶Ekronsa xu tsî huribǀî Asdods xōǀkhā hâdi hoade tsî ǃhaidi âde.

⁴⁷Asdods, ǁîs ǃnaga hâ ǃādi tsî ǃhaidi âde; Gasas, ǁîs di ǃnaga hâ ǃādi tsî ǃhaidi âde Egipteb di ǃāb kōse; tsî Kaihurib tsî ǀkharib âba.

⁴⁸Tsî ǃhommi ai: Samirs, Jatirs, Soxos,

⁴⁹Danas, Kirjat-Sanas, ǁîs ge Debirsa,

⁵⁰Anabs, Estemoas, Anims,

⁵¹Gosens, Holons tsî Gilos tsîde: Disiǀguiǀa ǃādi tsî ǃhaidi âde.

⁵²Arabs, Dumas, Esans,

⁵³Janums, Bet-Tapuaxs, Afekas,

⁵⁴Humtas tsî Kirjat-Arbas, ǁîs ge Hebrons, tsî Siors tsîde: Khoese ǃādi tsî ǃhaidi âde.

⁵⁵Maons, Karmels, Sifs, Jutas,

⁵⁶Jesreels, Jokdeams, Sanoaxs,

⁵⁷Kajins, Gibeas tsî Timnas tsîde: Disi ǃādi tsî ǃhaidi âde.

⁵⁸Halhuls, Bet-Surs, Gedors,

⁵⁹Maarats, Bet-Anots tsî Eltekons: ǃNani ǃādi tsî ǃhaidi âde.

⁶⁰Kirjat-Baals, ǁîs ge Kirjat-Jearims tsî Rabas: ǀGam ǃāra tsî ǃhaidi âra.

⁶¹ǃGaroǃhūb ǃnâ: Bet-Arabas, Midins, Sexaxas,

⁶²Nibsans, ǂŌxaǃās tsî Engedis: ǃNani ǃādi tsî ǃhaidi âde.

⁶³Xawe Judab ôan ge Jebusǁîn, Jerusalems di ǁansabena doeǁgaǂui ǁoa ge i; nētin ge Jebusǁîna Judab ôan ǀkha ge ǁan Jerusalems tawa nētsēs kōse.