Read Khoekhoegowab Josuab 19 Bible Online

Josuab 19 - Khoekhoegowab bible

Josuab 19

¹ǁNās khaoǃgâs ge ǀgamǁî ǂnōgusa Simeonni, ǃhaos Simeonni ôan disa ge ǀkhība, ǁîn ommi din ī xase; tsî ǀumi-amǃnâs ân ge ǀumi-amǃnâs Judab ôan dis ǁaegu ge hâ i.

²Tsîn ge ǀumi-amǃnâs ân ǃnâ ge ūhâ i: Bersebas, Sebas, Moladas,

³Hasar-Suals, Balas, Esems,

⁴Eltolads, Betuls, Hormas,

⁵Siklags, Bet-Markabots, Hasar-Susas,

⁶Bet-Lebaots tsî Saruhens tsîde: Disiǃnonaǀa ǃādi tsî ǃhaidi âde;

⁷Ains, Rimons, Eters tsî Asans tsîde: Haka ǃādi tsî ǃhaidi âde;

⁸tsî ǃhaidi nē ǃādi ǂnamipe ǁgoedi hoade Baalat-Beers, ǁnās ge Ramas kōse ǃkhawagasǀî. Nēs ge ǀumi-amǃnâs Simeonni ôan disa, ǁîn ommi din ī xase.

⁹ǀUmi-amǃnâs Simeonni ôan dis ge Judab ôan di amǃnâs ǃnâ hâ. Judab ôan di ǀumi-amǃnâs ge ǁîna kaiba i xui-ao; ǁnā-amagan ge Simeonni ôana ǁîna ǀumi-amǃnâs ǃnâ ge ǀumi.

¹⁰ǁNās khaoǃgâs ge ǃnonaǁî ǂnōgusa Sebulonni ôana ge ǀkhība, ǁîn ommi din ī xase; tsî ǀkharib ǁîn ǀumi-amǃnâs dib ge Sarids kōse ge i.

¹¹Tsî ǀkharib ân ra ǃapa huriǂoasǀî tsî Maralasǀî tsî ra sī Dabesets kōse, tsî ra sī ǁnā ǃārob, Jokneams aiǃâ ra dâub kōse,

¹²tsîb ra Saridsa xu dabasen aiǂoasǀî, sores ra ǁhaiǀî, Kislot-Tabors di ǀkharib kōse, tsîb ra ǂoa Daberats tawa tsî ra ǃapa Jafias ǃoa.

¹³Tsî ǁnāpa xub ra aiǂoasǀî ǃgâu sores ǁhais ǁga Gat-Hefers ǃoa, Et-Kasins tawa, tsîb ra ǂoaxa Rimon-Metoars ǁga, Neas kōse.

¹⁴Tsî nē ǀkharib ge ǀapasǀî ra dabasen Hanatons ǃoa, tsî ǀamǂoadi âb ge a Jiftax-Els di ǃgoaǃnā.

¹⁵Tsî Katats, Nahalals, Simrons, Jidalas tsî Betlehems tsîde: Disiǀgamǀa ǃādi tsî ǃhaidi âde.

¹⁶Nēs ge ǀumi-amǃnâs Sebulonni ôan disa, ǁîn ommi din ī xase, nē ǃādi tsî ǃhaidi âde.

¹⁷Hakaǁî ǂnōgus ge Isaskara ge ǀkhība, Isaskari ôana, ǁîn ommi din ī xase.

¹⁸Tsî ǀkharib ân ge ge i: Jesreels, Kesulots, Sunems,

¹⁹Hafarajims, Sions, Anaharats,

²⁰Rabits, Kisjons, Ebets,

²¹Remets, En-Ganims, En-Hadas tsî Bet-Pases tsîde.

²²Tsî nē ǀkharib ra sī Tabors, Sahasajims tsî Bet-Semes kōse; tsî ǀamǂoadi ǁîn ǀkharib didi ge Jordanǃāb tawa hâ: Disiǃnaniǀa ǃādi tsî ǃhaidi âde.

²³Nēs ge ǀumi-amǃnâs Isaskari ôan di ǃhaos disa, ǁîn ommi din ī xase ǃādi tsî ǃhaidi âde.

²⁴ǃNubais ge koroǁî ǂnōgusa Aseri ôan di ǃhaosa ge ǀkhība, ǁîn ommi din ī xase.

²⁵Tsî ǁîn di ǀkharib ge ge i: Helkats, Halis, Betens, Axsafs,

²⁶Alamelexs, Amads tsî Misals tsîde, tsîb ra Karmels kōse sī huriǂoasǀî Sihor-Libnats ǁga,

²⁷tsîb ra unusen sores ra ǁhai ǀkhāb ai Bet-Dagons ǁga, tsîb ra sī Sebulons kōse tsî Jiftax-Els di ǃgoaǃnāb ǁga ǀapasǀî Bet-Emeks tsî Neiels ǃoa, tsî ra ǂoa Kabuls tawa, ǁareǀkhāb ai;

²⁸tsî Ebrons, Rehobs, Hamons tsî Kanas ǃoa, Sidons kais kōse.

²⁹Tsî nē ǀkharib ge Ramas ǃoa ra unusen tsî ǁaposa ǃās Tires kōse; ǁnās khaoǃgâb ra nē ǀkhariba unusen Hosas ǁga, tsî ǀamǂoadi âb ge hurib tawa hâ Axsibs ǃoa gau ǃhūǃâsa xu.

³⁰Tsî Umas, Afeks tsî Rehobs tsîde: ǀGamdisiǀgamǀa ǃādi tsî ǃhaidi âde.

³¹Nēs ge ǀumi-amǃnâs Aseri ôan disa, ǁîn ommi din ī xase, nē ǃādi tsî ǃhaidi âde.

³²ǃNaniǁî ǂnōgus ge Naftalib ôana ge ǀkhība, Naftalib ôana, ǁîn ommi din ī xase.

³³Tsî ǁîn di ǀkharib ge hâ Helefsa xu tsî Alonsa xu Saananims, Adami-Nekebs tsî Jabneels kōse, Lakums kōse; tsî ǀamǂoadi âb ge Jordanǃāb tawa hâ.

³⁴Tsî nē ǀkharib ge huriǂoasǀî ra unusen Asnot-Tabors ǃoa, tsî ǁnāpa xub ra ī aiǃâb ǃoa Hukoks ǁga, tsîb ra sī Sebulonni ǁga ǃkhawagasǀî, tsî Aseri kōse huriǂoasǀî tsî Judab ǁga Jordanǃāb kōse, sores ra ǁhai ǀkhāb ai.

³⁵Tsî ǁaposa ǃādi ge nēde: Sidims, Sers, Hamats, Rakats, Kinerets,

³⁶Adamas, Ramas, Hasors,

³⁷Kedes, Edreis, En-Hasors,

³⁸Jirons, Migdal-Els, Horems, Bet-Anats tsî Bet-Semes tsîde: Disikhoeseǀa ǃādi tsî ǃhaidi âde.

³⁹Nēs ge ǀumi-amǃnâs Naftalib ôan di ǃhaos disa, ǁîn ommi din ī xase, ǃādi tsî ǃhaidi âde.

⁴⁰Hûǁî ǂnōgus ge Danni ôana ge ǀkhība, ǁîn ommi din ī xase.

⁴¹Tsî ǀkharib ǀumi-amǃnâs ân dib ge i: Soras, Estaols, Ir-Semes,

⁴²Saalbims, Ajalons, Jitlas,

⁴³Elons, Timnas, Ekrons,

⁴⁴Eltekes, Gibetons, Baalats,

⁴⁵Jehuds, Bene-Beraks, Gat-Rimons,

⁴⁶Me-Jarkons tsî Rakons, Jopas ǃoagu hâ ǀkharib ǀkha.

⁴⁷Tsî ǀkharib Danni ôan dib ge ǁîna ǂkharise ge ǀkhība. ǁNā-amagan ge Danni ôana ǃapa tsî Lesemsa ǃkhamū tsî ge ū si tsî gôab di ǀāb ǀkha ge ǂnau si tsî ǀumi si tsî ǁîs ǃnâ ge ǁan; tsîn ge Lesemsa Dans ti ge ǂgai ǁîn îb Danni di ǀons ǃoa.

⁴⁸Nēs ge ǀumi-amǃnâs Danni ôan disa, ǁîn ommi din ī xase, nē ǃādi tsî ǃhaidi âde.

⁴⁹Tsî ǃhūban ge ǀumise ǀgoratoao, ǀkharigu âb ī xase, on ge Israeli ôana Josuab, Nunni ôaba ǀumi-amǃnâ-e ǁîn ǁaegu ge mā.

⁵⁰ǃKhūb di ams ǃoan ge ǁîba ǁnā ǃās, ǁîb ra ǂgaosa ge mā: Timnat-Seraxs Efraimmi di ǃhommi ai; tsîb ge ǁnā ǃāsa ǂnubi tsî ǁîs ǃnâ ge ǁan.

⁵¹Nēdi ge ǁnā ǀumi-amǃnâdi, hîa prister Eleasari tsî Josuab, Nunni ôab tsî ǃhaodi di aiǁgûgu tsîgu ǂnōgus ǀkha Israeli ôana ǀumise ge ǀgorade, Silos tawa ǃKhūb di ais aiǃâ, tentoms ǀhûs dis di dao-ams aiǃâ. Nētin ge ǃhūb di ǀgorasa ge dītoa.