Read Khoekhoegowab Josuab 20 Bible Online

Josuab 20 - Khoekhoegowab bible

Josuab 20

¹ǃAruǀîb ge ǃKhūba Josuab ǃoa ge mî:

²ǃHoa re Israeli ôan ǃoa îts mî: ǂHûiǂuibasen ǁnā ǃnoraǃādi, Moseb di ǃoabasa xu ta ge ǁîdi xa sadu ǃoa ǃhoade,

³îb ǁnāǀî ǁhâ ǂnauǃanaob, ǀomsa ga ǂâibasen tamab hâse ǁgapadommi ai ǃgamma; î di ǁîde sado ǁhaiǁhâǃkhaise ība ǀaoǀkhao-aob aiǃâ.

⁴Tsî ǁhâb kao, ǁnā ǃādi di ǀguisa ǃoa, ob ge ǁāb ǁnā ǃās dib di ǂgâ-ams ǃnâ mâ tsî nî mîdi âba ǃhoa, ǁnā ǃās kaigu di ǂgaedi aiǃâ; o gu ge ǁîba ǁîgu tawa nî ū ǃās ǃnâ tsî ǃkhai-e nî mā bi, îb ǁîgu tawa ǁan.

⁵Tsî ǀaoǀkhao-aob ga ǁîba sauruǃgono, o gu ge ǂnauǃanaoba ǁîb ǃomǁae mā tide, ǁîb di ǀgūkhoe-eb ge ǂan tama hâse ǃgam tsî ǁari tsî aetsēb ge ǁkhan bi tama hâ i xui-ao.

⁶Ob ge ǁnā ǃās ǃnâ nî ǁan, ǀhaohâb di ais aiǃâb nî ǀgoraǃgâs ǂama mâs kōse, ǀgapipristeri ǁnā tsēdi ai ga hâb nî ǁōs kōse; ǁnāǃnubaib ge ǂnauǃanaoba nî oa ǃās âb ǃoa, ommi âb ǃoa tsî ǁnā ǃās, ǁîsa xub ge ǁhâs ǃoa.

⁷ǁGoasin ge ge khai Kedesa Galileab ǃnâ, Naftalib ǃhommi ai tsî Sexemsa Efraimmi ǃhommi ai tsî Kirjat-Arbas, ǁnās ge Hebronsa, Judab di ǃhommi ai.

⁸Tsî Jordanǃāb nauǃanib ai Jerixosa xu aiǂoasǀîn ge ge mā Besersa ǃgaroǃhūb ǃnâ, ǂgāb ai, Rubenni ǃhaos dise, tsî Ramotsa Gileadi ǃnâ Gadi ǃhaos dise, tsî Golansa Basanni ǃnâ Manaseb ǃhaos dise.

⁹Nēdi ge ǁnā ǃādi, Israeli ôan tsî ǃhaokhoeb ǁîn ǁaegu hâb tsîna ge ǂnûibahe hâ ide, ǁnāǀîn nî ǁhâga, ǀomsa ga ǁgapadommi ai ǃgammi hoaba, ǁōb tidese ǀaoǀkhao-aob di ǃomma xu, ǀhaohâb di ais aiǃâb nî mâs kōse.