Read Khoekhoegowab 1 Timoteub 4 Bible Online

1 Timoteub 4 - Khoekhoegowab bible

1 Timoteub 4

¹Tsî Gagab ge ǂhaisase ra mî, ǀuni ǁaegu ǃnân ǀnîna ǂgomsa xu ǁnāǁgôa tsî nîra ǂgaeǂhapu ra gagagu tsî ǁgâuagu di ǁkhāǁkhā-aidi tawa ǂgāmâisen ǃkhaisa;

²hînaxaǃnâsib ǃnâ ra ǂhumi-aogu ge ǁîga, khausaosa ǁîgu ǂâis ǂûs ǃnâ ūhâga,

³ǃgamesa ra ǃkhâiga, tsî ǂûna xuts nî ūdawasensa, Elob ge kurun, ǂgom hân tsî amaba mûǂan hân nî ǁîna gangans ǀkha ǂûse.

⁴Mâ kurusabe-i Elob di-i hoa-i kom a ǃgâio, tsî xū-i xare-i kom aoxūhesa tamao, gangans ǀkha i ga ūheo,

⁵mîs tsî ǀgores ǀkha i ra ǃanuǃanuhe xui-ao.

⁶Nēnats ga ǃgâsana mâi-aiǃâo, ots ge Xristub Jesub di ǃgâi ǃoaba-aose nî ī, ǂgoms tsî ǂuru ǁkhāǁkhās, sats ge saoǃgons di mîdi ǃnâ kaikaihe hâtsa.

⁷Xawe eloxoresa tsî kaira taradi di ǁau ǃhoaxūna xu ūdawasen, îts ǃaruǀîǀgui Eloǃaoǃgâxasib ǃnâ ǁkhāpesen;

⁸sorosi ǁkhāpesens ge ǂkharise ra harebe xui-ao, xawe Eloǃaoǃgâxasib ge hoa xūna harebeba hâ, tsîb ge mîmâis nē ûihâb tsî ǃgoaxa ûihâb disa ūhâ.

⁹ǂGomǂgomsas ge a nē mîsa, tsîs ge a ǃkhōǃoasa anu.

¹⁰Nēs ǃoa ge ge ǁkhāti sîsen tsî ra ǀhupuǀhupusen, ûitsama Elob ai ge ge mûmâinǃgâ amaga, ǁîb ge hoa khoen di ǃGâiǃōdī-aoba, tsî ǀō-ai ǁîba ǂgom hân di.

¹¹Nēna mîmā î ǁkhāǁkhā.

¹²Khoe-i xare-e a-i sa ǂkhamsisa tā ǃharaxū; î ǂgom hâna aiǁgause ība mîs ǃnâ, tanisens ǃnâ, ǀnammi ǃnâ, gagas ǃnâ, ǂgoms ǃnâ, îǂhôasib ǃnâ.

¹³Khomai, î ǁnama, î ǁkhāǁkhāhâhâ, sī ta nîs kōse.

¹⁴Sats ǃnâ hâ ǀkhommi hōsa tā ǀhawe-ū, ǂnomdomgu di ǃomma ǁgui-ais kēbosisa xuts ge māhesa.

¹⁵Nēn xa ǂâiǂâisen, î ǁîn ǃnâ hâ, îs aiǃâ ǃgûs âtsa ǂhaisa hoa xūn ǃnâ.

¹⁶Sa-aitsama kōǃgâsen, î ǁkhāǁkhāsa kōǃgâ; ǁîn ǃnâ hâhâ. Nēnats ga dīo, ots kom sa-aitsama tsî ǁnâu tsi ran tsîna nîra ǃgâiǃō kaio.