Read Khoekhoegowab 2 Timoteub 1 Bible Online

2 Timoteub 1 - Khoekhoegowab bible

2 Timoteub 1

¹Pauluta, Jesub Xristub di apostelta, Elob di ǂâisa xu, Xristub Jesub ǃnâ hâ ûib di mîmâis ǃoa.

²Timoteub ti ǀnamǀnamsa ǀgôab ǃoa: ǀKhommi tsî ǀkhomxaǂgaosib tsî ǂkhîb tsîna, Elob ǁGûb tsî sada ǃKhūb, Xristub Jesuba xu.

³Eloba ta ra gangan, ti ǁnaosana xu ta ǃanu ǂâis ǃnâ ra ǃoababa, tsuxub tsî tsēs tsîna ta ti ǀgoredi ǃnâ sats xa ra ǂâiǂâisen ǃkhaisa;

⁴tsî ta kaise ra ǁkhore, satsa ta nî mûsa, sa ǁgamron xa ta ra ǂâio, ǃgâiaǂgaob ǀkha ta nî ǀoase;

⁵tsî ǂâiǂâisen ta rao ǃūmû ǂgoms, sats ǃnâ hâs, sa ǁnaos Lois tsî sa îs Eunikes tsîra ǃnâ aibe ge ǁan hâ isa; tsî ta ǂanǁapo hâ, sats ǃnâs ǁkhāti ǁan hâ ǃkhaisa.

⁶ǁNā-amaga ta ra ǂâiǂâiǃnâ tsi, ti ǃomkha ǁgui-aisa xu sats ǃnâ hâ Elob hōsats nî ǂkhaiǂkhaisa.

⁷Elob ge ǃaob di gagasa mā da tama i, tsî ǀgaib tsî ǀnammi tsî ǂuru ǂâis disa mā da xui-ao.

⁸ǁNā-amaga ǃKhūb di ǀhûǀguitimîs tsî tita ǁîb di ǃkhōsata xa tā tao; î ǃgâiǂhôas ǀkha ǁgâiǀāna tani Elob ǀgaib ǃoa;

⁹ǁîb sada ǃgâiǃō kai tsî ǃanu ǂgai-i ǀkha ge ǂgaib, sada sîsengu ǃoa tama i, tsî ǁîb di ǂâibasens tsî ǀkhommi ǃoa, ǃhūbaib di ǁaeb aiǃâ Xristub Jesub ǃnâ sada ge māheb,

¹⁰tsî nēsi ǂhaiǂhaihe hâba sada ǃGâiǃōdī-aob Xristub Jesub di ǂhaiǂhaisens ǀkha, ǁōba ge ǁaudīb, tsî ûib tsî kāǁoasib tsîkha ge ǃnâb ǃoa ūhāba ǃgâiǂhôasa xu;

¹¹ǁîs ǃaroma ta mâihe hâ aoǁnâ-aose tsî apostelse tsî ǀūben di ǁkhāǁkhā-aose.

¹²ǁÎ ǃkhais ǃaroma ta ǁkhāti nēna ra tsâ, xawe ta taotaohe tama; ǂan ta a amaga, tari-i ǃnâ ta ge ǂgom ǃkhaisa, tsî ta ra ǂanǁapo, ǁîb tawa ta ǁguibēbahe hâ ǁauǁauxūbab nî ǁnā tsēs kōse sâuba tesab a ǁkhā ǃkhaisa.

¹³Aiǁgaus ǂuru mîdi, tita xuts ge ǁnâudi dis tawa ǃkhōǀgaipe ǂgoms tsî ǀnammi tsîra, Xristub Jesub ǃnâ hâra ǃoa.

¹⁴Nē ǃgâi ǁguibēbahets hâ ǁauǁauxūba sâubasen re, ǃAnu Gagab sada ǃnâ ǁan hâba xu.

¹⁵Hoagu Asiab ǃnâ hâgu, ǁîgu ǃnâ kha Figelub tsî Hermogeneb tsîkha hâgu ge ǁnāxū te ǃkhaisats a ǂan.

¹⁶Ab ǃKhūba Onesiforub di omma ǀkhomxaǂgaosiba mâ; ǃnuriseb ge tita khoakhoa, tsî ti ǃgaeǃnons xab tao tama ge i xui-ao;

¹⁷tsî Romes tawab ge sī ǃnubaib ge tita ôasase ôa, tsî ge hō te.

¹⁸Ab ǃKhūba mā bi, îb ǁnā tsēs ai ǃKhūb tawa ǀkhomxaǂgaosiba hō! Tsî matikōseb tita Efesus tawa gere ǃoaba ǃkhaisats kaise a ǂan.