Read Khoekhoegowab Hebreǁîn 1 Bible Online

Hebreǁîn 1 - Khoekhoegowab bible

Hebreǁîn 1

¹ǃNuriǃnādi tsî mâ dommi hoab aib Eloba hugasa xu kēbo-aogu ǃnâ ǁgûgu ǃoa gere ǃhoas khaoǃgâb ge nē ǀuni tsēdi ǃnâ sada ǃoa ge ǃhoa ǀGôab ǃnâ;

²xūn hoan di ǀumi-aoseb ge mâib, ǁîba xub ge ǁkhāti ǃhūbaiba dība;

³ǁîb ge ǂkhaisib âb di ǀkhâuǂuib, tsî īsib âb di ǁgâiǂuihesa ība, tsîb ge xūn hoana ǁîb di ǀgaisa mîs ǀkha ra tani; tsî ǁîb ǂûba xub ge ǃanuǃanusis sada ǁoren disa dītoao, ob ge amǀkhāb ǁôab ǀgapiseb ǃnâ hâ kaisib dib tawa ge ǂnû;

⁴tsîb ge ǁnātikōse ǀhomǃgāgu ǃgâ-ai ge ǃgâi, ǁîgu xab ge ǂoaǂamsa ǀonsa ǀumis kōse.

⁵Mâ ǀhomǃgāb ǃoab kha Eloba ǀguitsē ge mî: “Sats ge a ti Ôa, nētsēts ge go ti ôa kai.” Tsî ǁkhawa: “Tita ge nî ǁîb di ǁGû, tsîb ge nî ǁîba ti Ôa,” ti?

⁶Tsî ǁkhawa, ǂGuroǃnaesabebab ra ǃhūbaib ǃnâ ūǂgâxa ǃnubaib ra mî: “Tsî gu ge ǀhomǃgāgu hoaga ǁîba nî ǀgoreǀî.”

⁷ǀHomǃgāgu xab ra mî: “ǁÎb ge ǀhomǃgāgu âba gagase ra dī, tsî ǃgāgu âba ǀaes ǁhabuse.”

⁸Xawe ǀgôab xab ra mî: Sa trons ge hugaǀgui tsî ǀamose ra hâ, o Elotse; gaohais sa gaosib dis ge a ǂhanu-ai gaohai;

⁹ǂhanu-aisibats ǀnam hâ, tsî ǂhanuoǃnâsibats ǁkhan hâ amagab ge sa Eloba satsa, o Elotse, ǃgâiaǂgaob di ǁnui-i ǀkha ge ǂkhauǀkhā sa horesagu ǂamai.

¹⁰Tsî: Sats ǃKhūts ge tsoatsoas ǃnâ ǃhūbaiba ge ǃgaoǃgao, tsî ǀhomgu ge sa ǃomkha di sîsenga.

¹¹ǁÎgu ge nîra kā, xawets ge satsa nîra hâhâ; tsîn ge ǁîn hoana sara-i xase nîra ǀoro,

¹²tsî ǂamsara-i xasets ge ǁîna nîra ǃgami; on ge nîra ǀkharaǀkharahe; xawets ge satsa a ǁkhā, tsî kurigu âts ge ǀam tide.

¹³Tsî mâb ǀhomǃgāgu dib ǃoab kha ǀguitsē ge mî: Ti amǀkhāb ǁôab ai ǂnû, sa khākhoena ta nî sa ǂaira di mâi-aidase dīs kōse?

¹⁴ǁÎgu hoaga kha ǃoaba ra gaga tama hâ, ǃgâiǃōsiba nî ǀumin di ǃoabahes ǃaroma sîǂuihe hâga?