Read Khoekhoegowab Hebreǁîn 5 Bible Online

Hebreǁîn 5 - Khoekhoegowab bible

Hebreǁîn 5

¹Mâ ǀgapipristeri hoab, khoena xu ra ūheb ge Elob tawa khoen ǃaroma ra dīhen ǂamai ra mâihe, hōdi tsî ǁguibadi tsîdeb nî ǁoren ǃaroma ǁguibase,

²ǀūǂamse hân, tsî ra ǁhapumanab nî ǀkhom ǁkhāse, aitsamab ǁkhāti ǂkhabusasigu ǀkha ǃnamiǂgāhe hâ xui-ao.

³ǁÎgu ǃaromab nî, ǁaes ǃaromab ra dī khami, ǁkhāti ǁîb ǂûba ǁguibasenba ǁoren ǃaroma,

⁴tsî khoe-i xare-e ge ǃgôasiba ǁîba xu aitsama ūbasen tama, xawe Elob xa ra ǂgaiheba, Aronni khami.

⁵ǁNās ǁkhās xaseb ge ǁkhāti Xristuba aitsama ǂkhaiǂkhaisen tama ge i, ǀgapiprister kaib nîse, xawe ǁnāb, ǁîb ǃoa: “Ti Ôats a satsa, nētsēts ge go ti ôa kai,” ti ge mîba.

⁶ǀNî ǃkhai-i tawab ra ǁkhāti mî khami: “Sats ge pristertsa ǀamosib kōse Melxisedeki di ǀgaub ǃoa.”

⁷Tsî ǁîb ǁgans di tsēdi ǃnâb ge ǁnāb, ǁōba xu ore bi ǁkhāba, ǃgari ǃaus tsî ǁgamron ǀkha ǀgores tsî ǀkhomas tsîra ǁguibao, tsî ǃaoba xub ge ǁnâu-amheo,

⁸ob ge ǀGôab a xawe, tsâb ǃnâ ǁnâuǀnamxasiba ge ǁkhāǁkhāsen.

⁹Tsî dītoaheb geo, ob ge ǁîba ǁnâuǀnam hân hoana ǀamo ǃgâiǃōsiba ra dī-ao kaiba;

¹⁰tsîb ge Elob xa ǀgapipristeri, Melxisedeki dommi ǃoa hâb ase ge ǂgaihe.

¹¹ǁÎb xa ge sige ǂgui mîxūna ūhâ, ǁguiǃāsa a ǃgombana, ǁnâusa du ge nētikōse a ǀopesaba amaga.

¹²Sadu, ǁaeb ǃoa ǁkhāǁkhā-aose nî īdu ge ǁkhawa ǂhâba hâ ǁkhāǁkhāhe du nîsa xui-ao, mân a ǂguro tsoatsoa Elob mîdi dina ǃkhaisa, tsî du ǁkhawa dai-e ǂhâba hâ, tsî ǀgaisa ǂû-e tama;

¹³mâ-i hoa-i, dai-e xu ra ûi-i hoa-i ge ǂhanu-aisib di mîs ǃnâ ǀoasa ǂan-e ūhâ tama hâ xui-ao; ǀgôaro-i komo;

¹⁴xawe ǀgaisa ǂû-i ge a kaiǀoa hân di, ǁîn ǁnaetiba xu, mâ-i a ǃgâi tsî mâ-i a tsūsa ǀgoraǃā ǁkhā ǂâide ūhâna.