Read Khoekhoegowab 1 Petrub 2 Bible Online

1 Petrub 2 - Khoekhoegowab bible

1 Petrub 2

¹ǁGuiǁnâ ǁnâi ǂkhabasib hoab, tsî gāxaǃnâsib hoab, tsî hînaxasib, tsî surigub, tsî ǀhoegub hoaba;

²î du ǀase ǃnae hâ ǀgôarose turaxaba ǃgâi ǃūmû dai-e, î du ǁî-e xu ǀom;

³o du ga tsâ hâ, ǃKhūb a ǃgâixaǃnâ ǃkhaisa;

⁴ǁîb tawa du ge hāb, ûitsama ǀuib, khoen xa aoxūhe hâb, xawe Elob tawa ǃkhōǂuibasensa tsî ǃgomǀgausase īb axase.

⁵Î du ǁkhāti sado ûitsama ǀuise omkhâihe gagasi omse, ǃanu pristersise, gagasi ǁguibadi, Eloba Jesub Xristuba xu a ǃgâibade du nî ǁguibaga.

⁶ǁNā-amaga xoas ǃnâ xoahe hâ: “Mû, Sions ǃnâ ta ge ǃkhōǂuibasensa tsî ǃgomǀgausa ǁhôaǀuiba ra ǁgui” tsî: “ǁÎb ǃnâ kara ǂgom-i ge taotaohe tide-e.”

⁷Sadu ǂgom hâdob ge a ǃgomǀgausaba; xawe ǂgomoǃnân ǃoa ra mîhe: ǁNā ǀuib, ǂnubi-aogu xa aoxūhe hâb, ǁnāb ge ge ǁhôaǀui kai tsî ǃnôaǀui kai tsî ge ǁgonǁgonǂgaos ǃhao kai.

⁸ǁÎn ǂgomoǃnân tsî mîs tawa ra ǃnôana, ǁîs ǃoan ge ǁkhāti ǂnûihe hâ.

⁹Xawe sadu ge a ǃkhōǂuibasensa ǃhao, gao-aosi pristersi, ǃanu ǁae, ǃoaǂuibasensa ǁae, ǂhôa du nîga ǃgâi ǂūgu ǁnāb, ǃkhaenaba xu ǁîb di buruxa ǃnâb ǃoa ge ǂgai dub diga;

¹⁰sadu aibe ǁae tama ge i, tsî nēsi Elob ǁaedo, aibe ǀkhomxahe tama, tsî nēsi ǀkhomxahe hâdo.

¹¹ǀNamsabedo, sadu ǃhaokhoese tsî ǃgûkhoese īdo ta ra ǁnama, ǁgans di turagu, ǀoms ǃoagu ra ǃkhamga xu ūdawasen;

¹²î du sadu tanisensa ǀūben ǃnâ ǃgâiǂūxase ūhâ, în, sadu xan ga ǂkhabadī-aodu axase ǀhoen ǃnâ sadu ǃgâi sîsenga mû, în Eloba kare ôaǃnâs di tsēs ai.

¹³Khoesi ǂnûiǂgā-i hoa-e ǃnaga hâba ǃKhūb ǃaroma, gao-aob karao, hoan xa kai ǀgaiba ūhâb ase;

¹⁴ǃāǃkhōmâi-aogu karao, ǁîb di sîsabegu ase, ǂkhabadī-aon di ǁkharahesa ǃoa, xawe ǃgâidī-aon di koahesa ǃoa.

¹⁵Nēs ge a Elob di ǂâi xui-ao, ǃgâidī rase du nî gâre khoen di ǀūsiba ǃnōǃnō ǃkhaisa;

¹⁶ǃnorasadu ase, xawe ǃnorasasisa ǂkhabab di ǃgū-aixūse ūhâdu ase tama; xawe Elob di ǃgāse.

¹⁷Mâ-i hoa-e ǃgôa. ǃGâsasiba ǀnam. Eloba ǃao. Gao-aoba ǃgôa.

¹⁸Sadu ǃgādo, ǃaoǃgâb hoab ǀkha ǀhonkhoena ǃnaga hâba, ǃgâi tsî tsamtsiǃnân ǀguina tama i tsî karosan tsîna.

¹⁹Nēs ge a ǀkhom xui-ao, khoe-i ga ǂgaoǂans ǃaroma Elob aiǃâ, tsûba tanio, ǂhanuoǃnâse ra tsâse.

²⁰Mâ koasen-e kha nî i, ǁore du ka, tsî du ga ǁîs ǃaroma ǁkharaba tanio? Xawe ǃgâidī du ka, tsî du ga tani tsî ǁîs ǃaroma tsâo, ǁnās ge Elob tawa a ǀkhom.

²¹ǁNās ǃoa du ge ǂgaihe hâ xui-ao, Xristub on ge sada tsâba amaga, tsîb ge aiǁgau-e ge ǃgoroba da, ǁîb di daoga da nî ǃkhōdaose.

²²ǁÎb, ǁore-i xare-e dī tamab, tsî ams âb ǃnâ gāxaǃnâsi-i xare-e hōhe tamab;

²³ǁîb, ǀauheb geo, ǀauǃoa tamab, tsî tsâb geo, ǁgoa tamab, xawe ǂhanuse ra ǀgoraǃgâba ge māǁnâb;

²⁴ǁîb, sada ǁorena ǁîb di soros ǂûs ǃnâ haib ai ge taniǃapab, ǁorena ǁōǁnâ hâse da nî ǂhanu-aisiba ûibaga; ǁîb di ǀhapina xu da ge ǂgauba.

²⁵ǁHapuma ra gūse du ge ī, xawe du kom nēsi ǃhobasen hâo sadu ǀomdi di ǃÛi-aob tsî Mûǂamaob ǃoa.