Read Khoekhoegowab 1 Johaneb 1 Bible Online

1 Johaneb 1 - Khoekhoegowab bible

1 Johaneb 1

¹Tsoatsoasa xu ge hâ i-i, ǁnâu ge ge i, sige mûdi ǀkha ge ge mû-i, ǃgapaǀî ge ge-i, tsî sige ǃomgu ǀkha ge ge tsâǀkhā-i, ûib di mîs xa:

²(Tsîb ge ûiba ge ǂhai, tsî ge ge mû, tsî ge ge ra ǃkhō-am tsî aoǁnâ du ǁnā ǀamo ûib, ǁGûb tawa ge hâ ib tsî sige ge ǂhaiǂhaibaheba).

³Mû tsî ge ge ǁnâu-i, ǁnā-e ge ge sige sado ra aoǁnâba, sadu on nî sige ǀkha amǃnâxasiba ūhâga; îb sada amǃnâxasiba ǁkhāti ī ǁGûb ǀkha tsî ǁîb di Ôab Jesub Xristub ǀkha.

⁴Tsî ge ge nēna ra xoaba du, sadu di ǃgâiaǂgaob nî ǀoaga.

⁵Tsî nēs ge ǂhôas, ǁîsa ge ǁîba xu ǁnâu tsî sado ra aoǁnâbasa, Elob a ǃnâ, tsî ǃkhaena-i xare-i ǁîb ǃnâ hâ tamasa.

⁶ǁÎb ǀkha da amǃnâxasiba ūhâ, ti da ga mîo, tsî da ga ǃkhaenab ǃnâ ǃgûo, o da ge ra ǂhumi, o da ge amaba dī tama hâ;

⁷xawe ǃnâb ǃnâ da ga ǃgûo, ǁîb ǃnâb ǃnâ hâs ǁkhās xase, o da ge amǃnâxasiba ūhâǀîgu hâ; tsî ǀaob Jesub Xristub ǁîb Ôab dib ge ǁoren hoana xu ra ǃanuǃanu da.

⁸ǁOre-i xare-e da ūhâ tama, ti da ga mîo, o da ge ǁî-aitsama ra ǂgaeǂhapusen, ob ge amaba sada ǃnâ hâ tama hâ.

⁹Sada ǁorena da ga ǁguiǁnâo, ob ge a ǂgomǂgomsa tsî ǂhanu-ai, ob ge sada ǁorena ra ǀûba da tsî ǂhanuoǃnâsib hoaba xu ra ǃanuǃanu da.

¹⁰Tsî ǁore tama da hâ, ti da ga mîo, o da ge ǁîba ǂhumi-aose ra dī, os ge ǁîb di mîsa sada ǃnâ hâ tama hâ.