Read Khoekhoegowab 2 Johaneb 1 Bible Online

2 Johaneb 1 - Khoekhoegowab bible

2 Johaneb 1

¹ǂNomdomta ǃkhōǂuibasensa taras tsî ǁîs di ôan ǃoa, tita amab ǃnâ ǀnam hâna, tsî tita ǀgui ta tama i, tsî amaba mûǂan hân hoan;

²ǁnā amab, sige ǃnâ hâb ǃaroma, tsî ǀamosib kōse sige ǀkha nîra hâhâba:

³ǀKhommi tsî ǀkhomxaǂgaosib tsî ǂkhîb tsîgu ge sida ǀkha nî hâ, Elob ǁGûb tsî ǃKhūb Jesub Xristub, ǁGûb di Ôaba xu amab tsî ǀnammi tsîkha ǃnâ.

⁴Kaise ta ra ǃgâiaǂgao, sa ôan xa ta ge amab ǃnâ ra ǃgûna hō ǃkhaisa, mîmā-e da ge ǁGûba xu hō khami.

⁵O ta ra ǀkhoma si, tarase, ǀasa mîmā-e ta ra xoase tama, xawe tsoatsoasa xu ta ge ūhâ i-e, ǀnamgu da nî ǃkhaisa.

⁶Tsî nēb ge ǀnamma, ǁîb di mîmādi ǃoa da nî tanisensa. Nēs ge mîmās, tsoatsoasa xu du ge ǁnâu khami, ǁîs ǃnâ du nî ǃgûsa.

⁷ǂGui ǂgaeǂhapu-aon ge ǃhūbaib ai ge hā, Jesub Xristub ge ǁgans ǃnâ hā ǃkhaisa ǁguiǁnâ tamana. Nēb ge ǂgaeǂhapu-ao tsî Xristub khākhoe.

⁸ǂAnbasen re, î ge sige tā ǂoaǃnâ, sige sîsen hâna, î ge ǀoasa amǃnâsa hō.

⁹ǃÛǂam ra-i hoa-i tsî Xristub di ǁkhāǁkhās ǃnâ hâ tama-i ge Eloba ūhâ tama-e; Xristub di ǁkhāǁkhās ǃnâ ra hâhâ-i, ǁnā-i ge ǁGûb tsî ǀGôab tsîkha ūhâ-e.

¹⁰Khoe-i ga sadu ǃoa hā tsî nē ǁkhāǁkhāsa ūhâ tama io, ǁî-e oms ǃnâ tā ǃkhōǃoa, î du tā ǁî-e tawede.

¹¹ǁÎ-e ta ga tawedeo, o ta ge ǁî-i di ǂkhaba sîsengu ǃnâ ra amǃnâxa.

¹²ǂGui xūn, xoaba du ta kana ta ūhâ, xawe ta ge ǂhape-i tsî inki ǀkha dī ǂgao tama hâ; xawe ta ra ǃâu, sadu tawa sī tsî ta nî amsa xu ams ǃoa sadu ǃoa ǃhoasa, îb ga sada ǃgâiaǂgaoba ǀoa ti.

¹³Sa ǃgâsas ǃkhōǂuibasensas di ôan ra tawede si. Amen.