Read Khoekhoegowab ǂHaiǂhais 12 Bible Online

ǂHaiǂhais 12 - Khoekhoegowab bible

ǂHaiǂhais 12

¹Tsî i ge kai sao-e ǀhommi ǃnâ ge mûhe: Taras sores ǀkha anahe hâsa, tsî ǁkhâb ge ǁîs di ǂaira ǃnaga ge hâ i, tsî ǁîs di danas ai i ge kron-e ge hâ i disiǀgamǀa ǀgamiron ǀkha,

²tsîs ge ǀgamǀkhā ge i, tsîs ge ge ǂgai, ǁoratsûba ūhâse tsî tsûb ǃnâ hâse.

³Tsî i ge ǀnî sao-e ǀhommi ǃnâ ge mûhe; tsî mû, kai ǀapa draki, hû danadi tsî disi ǁnâga ūhâb, tsî ǁîb di danadi ai hû gao-aosi kronde ūhâba;

⁴tsî ǁîb di ǂareb ge ǀhommi ǀgamiron di ǃnonaǁî ǃâsa ǃkhara, tsî ǁîna ǃhūbaib ai ge aoǁnâ. Ob ge draka taras ǁora nîs aiǃâ ge mâ, îb ga, ǁoras gao, ǀgôaro-i âsa hapu, ti.

⁵Os ge aore ǀgôaba ge ǁora, ǁaedi hoade ǂnūǀuri gaohais ǀkha nî gaoǂamma, tsîb ge ǁîs di ôaba Elob tsî trons âb ǃoa ge tsuwubēhe.

⁶Tsîs ge tarasa ǃgaroǃhūb ǃoa ge ǃhū, ǁîb ǃnâs ge Elob xa ǁanǃkhai-e ǁāǁābahe hâ ib ǃoa, ǁnāpan nî ǁîsa ǂûmāse ǀguiǀoadisi tsî ǀgamkaidisiǃnanidisi tsēdi kōse.

⁷Tsî i ge ǃkhamgu-e ǀhommi ǃnâ ge hā: Mixaeli tsî ǀhomǃgāgu âb ge draka ge ǃkhamū, tsî draki on ge ge ǃkham, tsî ǀhomǃgāgu âb tsîna;

⁸tsî gu ge dan ǁkhā tama ge i, tsî ǁîgu di ǃkhais ge ǃaruǀî ǀhommi ǃnâ hōhe tama ge i.

⁹Tsî kai draki ge ge aoǂuihe, kaira ǀaob, ǁgâuab tsî Satanni ti ra ǂgaiheb, ǃhūbaib hoaragaba ra ǂgaeǂhapuba, ǁîb ge ǃhūbaib ai ge aoǁnâhe, tsî ǀhomǃgāgu âb ge ǁîb ǀkha ge aoǁnâhe.

¹⁰Tsî ta ge kai dom-e ge ǁnâu, ǀhommi ǃnâ nēti ra mî-e: Nēsib kom ǃgâiǃōsib tsî ǀgaib tsî gaosib tsîna go sida Elob di kaio, tsî ǁkhāsib kom go ǁîb di Xristub di kaio; sida ǃgâsagu di ǃnuriǃgâ-aob, Elob aiǃâ tsēs tsî tsuxub tsîra ǁîga gere ǃnuriǃgâb go aoǁnâhe xui-ao;

¹¹tsîn ge ǁîba ge dan ǁKhaob di ǀaob ǀkha tsî ǀhûǀguitimîs ân di mîs ǀkha; tsîn ge ǁîn di ûiba ǀnam tama ge hâ i ǁōb kōse.

¹²Nēs ǃaroma ǃgâiaǂgao, ǀhomgo, tsî sadu ǁîgu ǃnâ ǁan hâdo. Tsūba ǁnān, ǃhūbaib ai tsî hurib ai ǁan hâna. ǁGâuab go sadu ǃoa ǁgôa, tsîb ge kai ǁaiba ūhâ, ǂkhari ǁaerobab ūhâ ǃkhaisa ǂan tsî.

¹³Tsî draki ge mû, ǃhūbaib aib go aoǁnâhesa, ob ge taras, aore ǀgôaba ge ǁorasa ge ǃgôaǃgon.

¹⁴Os ge tarasa ǀgam ǁgabokha kai ǃariǃkhās dikha ge māhe, ǃgaroǃhūb ǃoas nî ǁkhanase, ǁîs di ǃkhais ǃoa, ǁnāpas nî ǂûmāhese ǁaeb tsî ǁaegu tsî ǃkhare ǁaeb kōse, ǀaob di aisa xu.

¹⁵Ob ge ǀaoba ǁîb di amsa xu ǁgam-e ge ǀiriǂui taras khaoǃgâ ǃāb xase, îb ga ǃāb ǀkha ǁîsa dâubē kai ti.

¹⁶Ob ge ǃhūba tarasa ge hui, ob ge ǃhūba ams âba khowa, tsî ǃāba ge hara, draki ge ǁîb di amsa xu ǀiriǂuiba.

¹⁷Ob ge draka taras ǂama ǁaixa tsî ge ǃgûsī, naun ǁîs surib din tsî Elob di mîmāde ra ǃkhōǀgaipen tsî Jesub Xristub di ǃkhō-amsa ūhân ǀkhab nî khādīse.

¹⁸Tsî ta ge hurib di ǀgopab ai ge mâ i.