Read Khoekhoegowab ǂHaiǂhais 15 Bible Online

ǂHaiǂhais 15 - Khoekhoegowab bible

ǂHaiǂhais 15

¹Tsî ta ge ǀnî sao-i kai tsî buruxa-e ǀhommi ǃnâ ge mû: Hû ǀhomǃgāgu, hû ǀuni tsûtsû-aide ūhâga, ǁîdi ǃnâb Elob ǁaiba ra ǀuni xui-ao.

²Tsî ta ge ǀaes ǀkha habahe hâ xlahuri-e ge mû; tsî dansa ūhâna ǀgurub ǂama, tsî īb âb ǂama, tsî saos âb ǂama, tsî ǀons âb di ǀgaus ǂama, ǁîn ge xlahurib ai ge mâ i, Elob di siterde ūhâse.

³Tsîn ge Moseb Elob ǃgāb di ǁnaetsanas tsî ǁKhaob di ǁnaetsanasa ǁnae, tsî ge mî: Kai tsî buruburuxa gu ge sa sîsenga, ǃKhūtse, Hoaǀgaixa Elotse; ǂhanu-ai tsî ama-ai gu ge sa daoga, ǃanun di Gao-aotse!

⁴Tari-e kha satsa ǃao tide, ǃKhūtse, tsî sa ǀonsa ǂkhaiǂkhai tide? Sats ǀguits a ǃanu xui-ao; on ge ǀūben hoana hā tsî nî sa aiǃâ ǀgore, ǀgoraǃgâdi âts go ǂhai xui-ao.

⁵Tsî nēn khaoǃgâ ta ge ge kō; tsî mû, ob ge tempeli ǀhûǀguitimîs tabernakeli diba ǀhommi ǃnâ ge ǁkhowa-amhe;

⁶o gu ge hû ǀhomǃgāgu, hû tsûtsû-aide ūhâga ge ǀkhī, ǃanu tsî ǂkhai ra ǃuri ǃkhaib ǀkha anahe hâǃâ, tsî ǀūgu ai ǃhuniǀuri ǃgaesengu ǀkha ǃgaehe hâǃâ.

⁷Tsî ûitsamagu di ǀguib ge hû ǀhomǃgāga hû ǃhuniǀuri ǃoredi, Elob ǀamosib hoab kōse ra ûib di ǁaib xa ǀoa hâde ge mā;

⁸ob ge tempela Elob di ǂkhaisib tsî ǀgaib âba xu ǀanni xa ge ǀoa; tsî khoe-i xare-i ge tempeli ǃnâ ǂgâ ǁoa ge i, hû ǀhomǃgāgu di hû tsûtsû-aidi nî dītoahes kōse.