Read Khumi Chin ATITI AWM ANGCHEI NAI 48 Bible Online

ATITI AWM ANGCHEI NAI 48 - Khumi Chin bible

ATITI AWM ANGCHEI NAI 48

¹Huni bo y Josepha ly ampo no jo, nanai thai i chapo leaung nyhrei Manase hawi Ephraim ai hawi iy ampo Jakob ai no de ai nai chei u bo.

²Jakob ly Josepha ang jeu, nanai thai i, atho sa naimy ang thau tanga iy, ira tleaung y ateh.

³ Jakob my Josepha teng y, “Ati cheaungkhang sa thai nai Tameuh ly Kanan pri Luza mary y awm nai khala y kai ai amteng hai iy amtheaung hai bo.

⁴Mymy ly kai teng y, ‘Kaimy nang ai cho chanau neangneang kang peung hai ai i, nang i kangpreang dengdairei khumi cheng neangneang lawm ai; kaimy nang i kangpreangchi teng y hini pri amtym jo ai nai pei pi ai,” napi.

⁵Jakob my Josepha teng y thui pi bi nai ly” kai hi y ang pyn y rai kha y Aikupta pri y tapen nai nang i chapo Ephraim hawi Manase ai py, kai i chapo Ruben hawi Simeon ai kamta kapalawn ai.

⁶Nang ly chapo neangneang sa bi lawh baly, kai i ny y leang bo; nichi ly Ephraim hawi Manase nini teng i dengdairei yhmtheaung amtym u ai.

⁷ Kai ly ngamhm Rakeli i molam y hina nai kamta sa pi nai ne. Mesopotamia pri dengdairei kang vawi ali teang nai khala y, Kanan pri Ephrath mary ahawi y ni ly dei i, kai ly khri pa-rei paleung si parai. Kai ly ni ai Ephrath mary mang y chei nai lam teng y up nai ne,” napi. (Vai ly Ephrath napi nai ai ly Bethlehem, nanai palau nai ne.)

⁸Jakob ly Josepha i chapo leaung nyhrei ai niu baly, “Hini deaungdi ni ly ami mo?” nanai deng.

⁹Josepha my, “Tameuh my kai ai Aikupta pri y awm nai khala y ang pei nai kai i chapo ni ne,” nanai pathang. Jakob my, “Kai teng y jeu hai, kaimy amtheaung hai ai,” napi.

¹⁰Jakob ly saneng len nai deaungkho y mei hawihai niu y i, Josepha my mymy teng y deaungdi ni ai pahawi bo; naibaly mymy ly deaungdi ni ai takawi iy pachawm bo.

¹¹Jakob my Josepha teng y, “Kai ly nang hawi avum ali ai nai athang khai y, vai ly Tameuh my nang i chapo ni hawi malawn py avum ai nai ang sa pi bo,” napi.

¹²Naibaly Josepha ly Jakob my paleung tleaung y tapawm nai ly la iy Jakob mo y kheukhu di hai i meung hai bo.

¹³Josepha my Ephraim ai ly Jakob i langvawi mang y, Manase ai ly lamtang mang y ateh hai bo.

¹⁴Na i py Jakob ly mymy i kiu akhengkhi iy lamtang kiu ai ly amnau Ephraim i lu tleaung y tamam pi, langvawi kiu ly amjo Manase i lu tleaung y tamam pi nai ne.

¹⁵Naibaly mymy ly Josepha ai amtheaung hai bo: [62] “Kai i amsi Abraham hawi kai i ampo Isaka nini i ym nai Tameuh my hini deaungdi ni ai amtheaung hai sy! Kani tleirei kai ai ang pahawi nai keung Tameuh my nini ai amtheaung hai sy!

¹⁶Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

¹⁷Josepha ly ampo i kiu khai nai sai niu nai khala, paleung ka-dawn hawi y bo. Ni ly Ephraim i lu tleaung y tamam nai lamtang kiu ai ly Manase i lu tleaung y tamam hai ai ngai nai deaungkho y,

¹⁸Josepha ly ampo teng y, “Ngaai, nang i kiu khai nai ly teng y; nang i lamtang kiu ly deaungdi kalen i lu tleaung y tamam pi ba,” napi.

¹⁹Ampo ly ngai y i ni teng y, “Kai pany chy deang awi, Manase i kangpreangchi py khumi kalen lawm ai. Na i py mymy i amnau ly mymy tleaung y khumi kalen keh lawm ai i, ni i kangpreangchi ly khumi cheng kalenchi lawm u ai,” napi.

²⁰Hunai deaungkho y Jakob my, “Israela chengchi ly nangni i amyn teaung iy amtheaung naira pei u ai. Nichi my, ‘Ephraim hawi Manase nini kamta amtheaung hai ai nai Tameuh my so pi na sy,’ nanai thui u ai,” nanai huni kani y deaungdi ai amtheaung hai nai ne. Huna nai kamta Jakob my Ephraim ai ly Manase i mo y ateh hai bo.

²¹Naibaly Jakob ly Josepha teng y, “Nang i niu nai kamta kai ly dei ai nai kasa bo; na i py Tameuh my nang hawi vanrei awm hai ai i, nang i amsi pajochi i pri y ang pahawi ali teang ai.

²²Sekhem meingtym khaileaung kahawi ly nang ai kang pei, ngamjochi i vui ny y; huni meingtym ly kai my thailiho hawi haisau atheu iy Amori chengchi teng i nga vui nai paitiu khuta hawi nai khaileaung ne,” napi.