Read Khumi Chin 1 ARENG KEH 7 Bible Online

1 ARENG KEH 7 - Khumi Chin bible

1 ARENG KEH 7

¹Solomon ly mymy i vui samrang yhm sa i, saneng holai thomrei ateng nai ne.

²Lebanon daichi, napi nai hall ly jeng kasau miu chungvairei, kah kalen miu vuipangrei, tamdo ka-sang miu phairei awm. Huni hallra y saitleang keung yhmmawm holai pangrei ai lam thomrei leng iy, huni yhmmawmra y saitleang pjeng satleang takawp nai ne. Sileng py saitleang pjeng hawi sa.

⁴Dengpang nyhrei ra y adengdang nai thaibeng pa-kho lam thomrei awm.

⁵Katheu pa-khochi hawi thaibeng pa-khochi ly jeng, kah angeng meaung nai katheu laibeaungchi awm.

⁶Yhmtawichi abawi nai hall ly jeng kasau miu vuipangrei, kah kalen miu phairei awm; huni i mo kataw y yhmmawmchi hawi vanrei amphu awm.

⁷Solomon i tara chih nai meingtym napi nai samrang atehra hall ly paichi dengdairei katleungchira tym pa-rei saitleang pjengchi hawi pachi nai ne.

⁸Tara chih nai meingtym hall nithun mang i apai theung y, Solomon i samrang yhm ly takhra yhmchi kamta sa nai ne. Samrang ly my i aju, Aikupta samrang chaniu i vui py samrang i yhm kamta sa pi teang.

⁹Hini yhm bawibawichi ai ly yhm langdeng panui nai dengdairei amphu kup ra tym pa-rei, lengseaung hawi sa nai ne. Huni lengseaungchi ly lengseaung si nai meingtym y pata yb iy si nai ne i, angam mang py, theung mang py raw hawi pangeng typ bo.

¹⁰Yhm langdeng panui nai lengseaungchi ly lengseaung si nai meingtymra y si yb nai lengseaung puichi ne i, phyrei ly jeng miu takawrei, phyrei ly miu horei awm.

¹¹Lengseaung puichi salo y pata yb nai takhra lengseaungchi, saitleang keung kaleaungchi hawi tleangleang iy sa bo.

¹²Samrang yhm apai, Achura Yhm apai hawi Achura Yhm mo i kun nai katheu pa-kho yhm dengpangchi ai py, si yb nai lengseaung thomrei tleangleang chum nai tleirei, saitleang kaleaung ha harei tleangleang iy sa nai ne.

¹³Samrang Solomon ly Turu mary y awm nai kheupaja thip kawp nai kupe kakawp amyn ly Hiram, napi nai khumi ai palau.

¹⁴Dei chum nai ni i ampo py Turu mary y awm nai ne i, kheupaja thip kawp naira y kupe hawi parai nai khumi ne. Ni i amhm ly Naphtali cheng ne. Hiram ly cheng parai i, kalopra y kyh chawn nai khumi ne. Ni ly samrang Solomon my palau iy sa hai nai kamta, kheupaja hawi sa nai kalop ngierei sa pi nai keung ne.

¹⁵Hiram ly ka-sang miu holai tajarei, ka-hi miu holai nyhrei awm nai kheupaja yhmmawm pui nyhrei sa i, Achura Yhm katheu pa-kho mo y pado bo.

¹⁶Huni yhmmawm pui meaungra y tai ai nai kasau miu pangrei awm nai kheupaja lukhym nyhrei py sa.

¹⁷Yhmmawm meaung tleirei ra py kheupaja hawi sa nai paleu ka-tawm py,

¹⁸kheupaja thaisi athai leng nyhrei hawi py sa nai ne.

¹⁹Yhmmawm meaung lukhymchi ai kasau miu palyhrei awm nai amai pau myn sa iy,

²⁰paleu myn salo i satleang tleaung y tai. Yhmmawm meaung ha harei ka-kira i thaisi athai leng nyhrei ra y, thaisi athai chungvai nyhrei tai nai ne.

²¹Hiram ly kheupaja yhmmawm pui nyhrei ai Achura Yhm katheu pa-kho mo y leng. Harei nai ly tokalawi ngan mang y leng i, Jakin[1]nanai amyn pathi; harei nai ly tosyh ngan mang y leng i, Boza[2]nanai amyn pathi bo.

²²Huni yhmmawm pui nyhrei meaungra y amai pau mynchi tai nai ne. Naibaly huni yhmmawm pui sa nai kalop ly pajau bo.

²³Hiram ly kathiu miu pangrei, kakau miu horei, ka-hi miu phairei awm nai kheupaja tuikan sa.

²⁴Tuikan i angam mang teng kamkira y kheupaja hawi sa nai an-um athai myn lam nyhrei ai, tuikan pui hawi tabiri iy sa.

²⁵Huni tuikan ly angam mang y mo tha hai nai kheupaja si katai myn holai nyhrei salo y panui nai ne. Si katai thom thomrei ai tosyh, tokalawi, nidym, nisi mang y mo tha hai bo.

²⁶Tuikan i katho ly bi-thomrei awm; salo i tavai ly rahum tavai kamta, amai pau angdai nai hawi atawm. Huni tuikanra y tui beung 2,500 rei avai nai ne.

²⁷Hiram ly kiu hawi nui nai kheupaja ka-ri horei py sa. Huni ka-richi ly jeng miu palyhrei, kah miu palyhrei, ka-sang miu thomrei awm riri nai ne.

²⁸Hunichi ai jeng, kah kangngeng amhi mawichi hawi sa bo.

²⁹Huni amhi mawichira y khrangsi myn, si katai myn hawi kheruben mynchi sa; khrangsi mynchi hawi si katai mynchi i salo mang py, anui mang py awm nai kawichi salo y, seaunglawi mynchi o-pangen nai ka-puchi sa.

³⁰Ka-ri hareira y kheupaja hawi sa nai amlira kheu palyhrei hawi, kheupaja kaleaungchi py tai; ka-ri i taki palyhrei ra y rahum khai ai nai i vui y, kheupaja tawira palyh awm. Huni tawirachi py seaunglawi mynchi thiu iy, ka-pu sa pi nai ne.

³¹Rahum khai ai nai i vui y yhmtawi meaungchi ra y tarai myn kamta kawichi sa. Huni kawi ly ka-ri tleaung y miurei asang i, ka-ri theung mang y peu nyhrei kamta kun bo. Huni i ka-ki ra py mynchi thiu prei nai ne.

³²Amlira kheuchi ly kiupui bikha holai pangrei asang bawibawi i, amhi mawi anui y khai bo. Kaleaungchi py ka-ri hawi tabimei nai ne.

³³Amlira kheuchi ly ka-ri amlira kheuchi hawi atawm iy kaleaungchi, katyhchi, tawirachi, mawmrachi ai kheupaja hawi sa.

³⁴Ka-ri yhm anui mang i taki palyhreira y, ka-ri hawi patawm prei iy sa nai tawi palyhrei awm.

³⁵Ka-richi i salo mang y ly katho ka-rei awm nai kheupaja katyh hawi mawm typ bo. Tawichi hawi amhi mawichi ai ka-ri hawi tabimei nai ne.

³⁶Tawichi hawi amhi mawichira y avai nai ryrei ly kheruben myn, khrangsi myn, olive keung mynchi hawi, teng ka-ki seaunglawi mawi mynchi thiu iy ka-pu sa.

³⁷Hini ly kiu hawi nui nai ka-richi sa nai sai ne. Huni ka-ri bawibawichi ly katheang kalen angeng riri.

³⁸Hiram ly ka-ri harei y rahum pui harei, rahum pui horei sa. Angdeung harei i kangdai kakau ly miu palyhrei awm; hunira y tui palang 1,200 rei chei.

³⁹Hiram ly Achura Yhm tokalawi ngan mang y ka-ri pangrei, tosyh ngan mang y ka-ri pangrei khai iy, tuikan ai ly Achura Yhm i nisi tokalawi taki y khai nai ne.

⁴⁰Hiram ly laawmchi, khaileaung chawnchi, khauchi py sa. Ni ly ARENG i vui samrang Solomon my sa hai nai ngiereichi angym pa-rei sa bo. Ni i sa nai ateaung alangchi ly: Yhmmawm kalen nyhrei Rahum kamta yhmmawm meaung mymra nyhrei Yhmmawm meaung mymra i vui thunchengchi Thuncheng ka-ki tai ai nai chungvairei riri awm nai thaisi leng nyhrei i vui, thaisi athai chungvai palyhrei Kiu hawi nui nai ka-ri horei Rahum pui horei Tuikan harei Tuikan panuira si katai myn holai nyhrei hawi laawmchi, khaileaung chawnchi, khauchi ne. Achura Yhm y teaung ai nai samrang Solomon i vui Hiram my sa pi nai hini ateaung alangchi ly kheupaja hawi an paleaung nai ne.

⁴¹

⁴²

⁴³

⁴⁴

⁴⁵

⁴⁶Samrang ly Jordan tavo leaunghawira awm nai Sukkoth mary hawi Zarethan mary sala i kheupaja an patlawn nai meingtym y, huni ateaung alangchi sa nai ne.

⁴⁷Huni ateaung alangchi ly khri pa-rei nawi nai deaungkho y, kaji neh y naimy khai bo. Huna nai y hunichi i kaji ly pany pajau y.

⁴⁸Solomon ly Achura Yhm i vui muku ateaungchi py sa hai nai ne. Hunichi ly maicham, Tameuh i vui tako khaira sabawi,

⁴⁹khri pa-rei chai nai meingtym mo i lamtang mang y khai nai maisi yhm pangrei hawi langvawi mang y khai nai maisi yhm pangrei, muku kaseaung pauchi, muku maisi yhm, muku hawi sa nai mai syn nai ateaungchi,

⁵⁰muku khauchi, muku tangkeihchi, muku samtangchi, muku chawnchi, maidym khai nai muku laawmchi, Achura Yhm theung i chai keh nai meingtym katheuchi hawi Achura Yhm angam mang katheuchi i vui muku angtleangrachi ne.

⁵¹Samrang Solomon ly Achura Yhm i vui sa ai awm nai kalopchi sa chum baly, ARENG teng y ampo Davida my talam yb nai muku, tangka hawi takhra vawnsaichi ai Achura Yhm vawnsai khaira takunchira y kryme nai ne.