Read Khumi Chin 1 NENG SATANG 27 Bible Online

1 NENG SATANG 27 - Khumi Chin bible

1 NENG SATANG 27

¹Hini ly samrang i kalop sa pi nai Israela cheng yhm dengtheung luchi, nupai luchi hawi pri peang nai miteaung kehchi i charangchi ne. Nichi ly khumi leaung 24,000 rei awm nai kamkawmchi phy iy, lorei y kamkawm harei kalop sa u bo. Huni kamkawm hahareichi ai, tavailu areng leaungrei my peang nai ne.

²Lo lorei kalop amsi nai tavailu arengchi ly: Angchei lo y ly Zabadiel i chapo Jashobeam. (Ni ly Juda theaung Perez i nupai theung y abawi.) Pa-nyh lo y ly Ahohi i kangpreang Dodai ne. Ni i bangtang tavailu areng ly Mikalo. Pa-thom lo y ly pathyp pi nai keung Jehojada i chapo Benaia ne. Ni ly amyn amthang nai sorai leaung phaireichi i lu ne. (Ni i chapo Amizaba ly ni i kalop amtym ai nai nga i, tavailu areng lawm bo.) Palyh lo y ly Juaba i amnau Asahela ne. (Ni i chapo Zebadiah ly ni i amtym ai nga nai ne.) Pa-ngo lo y ly Izaha i chapo Shamhuth. tariu lo y ly Tekoa mary i Ikesa i chapo Ira. saryh lo y ly Pelon mary i Ephraim theaung Heleza. Taja lo y ly Husha mary i Sebekai ne. (Ni ly Juda theaung Zerah nupai theung i ne.) Takaw lo y ly Anatho mary Benjamin theaung ka-peang i Abieza. Lo horei khala ly Netopha mary i Maharai. (Ni ly Zerah nupai theung i ne.) Lo holai harei khala ly Pirathon mary Ephraim theaung ka-peang theung i Benaia. Lo holai n(...)

¹⁶Hinichi ly Israela cheng theaungchi ai peang nai miteaung kehchi ne. [Theaung] — [Peang nai keungchi] Ruben — Zikhri i chapo Elieza Simeon — Maaka i chapo Shephaitia Levi — Kemuela i chapo Hashabiah Aron — Zadok Juda — Davida i amjo Elihu Isakhar — Mikhaela i chapo Omari Zebulun — Obadia i chapo Ishamaia Naphtali — Azariela i chapo Jerimoth Ephraim — Azazia i chapo Hoshe Nidym mang Manase — Pedaiah i chapo Joela Nisi mang Manase — Zekhariah i chapo Iddo Benjamin — Abana i chapo Jasiela Dan — Jeroham i chapo Azarela

²³ARENG my Israela khumichi ai kani mang i ka-sichi kamta peung hai ai, nanai adeu pi nai deaungkho y, samrang Davida ly saneng apomrei anui khumichi ai amyn vuikanai lo y.

²⁴Zeruiah i chapo Juaba ly khumi vuikanai tlenrei la i py, angym bawi y nai ne. Hini amyn vuikanai la nai molam y, Tameuh my Israela chengchi ai pajeng bo. Na i py amyn vuikanai la nai vuikanai ly samrang Davida i recordchi ra y tajiu nai by leang.

²⁵Samrang i vawnsaichi kry pi nai keungchi i amyn vuikanai ly anui mang ichi ne. Samrang i vawnsai khai nai takun puichi ai Adiela i chapo Azimava my kry. Awm nai meingtym i vawnsai khai nai takun puichi ai Uzia i chapo Jonathan my kry. Li hlau sa naichi ai Khelu i chapo Ezari my kry. Kreip akhochi ai Ramah mary i Shimei my kry. Kreip hang khai naira takunchi ai Shepham mary i Zabdi my kry. Nidym mawi kheutang ra i olive keungchi hawi thaidu keungchi ai Kederi mary i Bela Hanan my kry. Asitui khai nai takun ai Josha my kry. Sharon adymra i sichi ai ly Sharon mary i Shiratai my kry. Leaunghawichi ra i sichi ai ly Adalai i chapo Shaphat my kry. Kula-iuchi ai ly Ismaela theaung Obil my kry. Keaungngo kano kasauchi ai ly Merono mary i Jedeia my kry. Beram hawi Mi-ichi ai ly Hakara theaung Jazi my kry nai ne.

³²Davida i ampochy Jonathan ly pany kawp iy tau pei pajau nai khumi kacheng ne. Ni hawi Hakhamoni i chapo Jehiela nini ly samrang i chapochi ai cha patiu pi.

³³Ahithophela ly samrang ai tau pei nai keung ne. Akhi mary i Hushai ly samrang i ahawi, arum apang nai keung ne.

³⁴Ahithophela dei nai bo y, Abiatha hawi Benaia i chapo Jehojada nini ly tau pei nai keung lawm bo. Juaba ly samrang i tavailu areng keh ne.