Read Khumi Chin 1 NENG SATANG 3 Bible Online

1 NENG SATANG 3 - Khumi Chin bible

1 NENG SATANG 3

¹Samrang Davida ly Hebron mary y awm nai thym khala nga nai chapochi i amyn ka-thui thui pi ai na baly: Jezarela mary i Ahinoam my tapen nai Amanon, Karamela mary i Abikaila my tapen nai Daniela, Keshura samrang Talamai i chaniu Maaka my tapen nai Abasalom, Haki my tapen nai chapo Adonijah, Abitala my tapen nai chapo Shephatiah, Ekala my tapen nai chapo Ithaream.

⁴Samrang Davida ly Hebron mary y saneng saryhrei bo y lo tariurei awm nai thym khala, hini chapo leaung tariureichi ai nga nai ne. Ni ly Jerusalem mary y saneng 33 rei awm iy,

⁵chapochi nga bi. Ammiela i chaniu Bathaseba ly Shimea, Shoba, Nathan hawi Solomon napi nai chapo leaung palyhrei tapen.

⁶Samrang Davida ly takhra chapo leaung takawrei nga; hunichi ly Ibaha, Elishua, Elipele,

⁷Noka, Nephe, Japhia,

⁸Elishama, Eliada hawi Elipheletchi ne.

⁹Hini chapochi bo y aju katheangchi hawi nga nai chapochi py awm rai nai ne. Ni ly Tama napi nai chaniu py awm.

¹⁰Hini ly Ampo amyn hawi chapo amyn, Solomon i kangpreangchi ne. Solomon, Rehoboam, Abija, Asa, Jehoshapha,

¹¹Jehoram, Ahazia, Josha,

¹²Amazia, Uzia, Jotham,

¹³Aha, Hezekia, Manase,

¹⁴Ammon, hawi Josia ne.

¹⁵Josia ly Johanan, Jehojakim, Zedekiah hawi Joaha napi nai chapo leaung palyhrei awm.

¹⁶Jehojakim ly Jehojakhin hawi Zedekiah napi nai chapo leaung nyhrei awm nai ne.

¹⁷Babulon pri y theaung tla nai samrang Jehojakhin ly chapo leaung saryhrei awm; huni samrang i chapochi ly Shalatila,

¹⁸Malakhiram, Pedaiah, Shenaza, Jekamia, Hoshama hawi Nedabiachi ne.

¹⁹Pedaiah ly Zerubabela hawi Shimei napi nai chapo leaung nyhrei awm. Zerubabela ly Meshulam hawi ananiah napi nai chapo leaung nyhrei hawi Shelomith napi nai chaniu leaungrei awm nai ne.

²⁰Huni bo y Hashuba, Ohel, Berekhia, Hasadia hawi Jusha Hesed napi nai takhra chapo leaung pangrei py awm.

²¹Ananiah ly Pelatiah hawi Jeshaia napi nai chapo leaung nyhrei awm. Jeshaia i chapo ly Rephaia, Rephaia i chapo ly Arnan, Arnan i chapo ly Obadia, Obadia i chapo ly Shekaniah ne.

²²Shekaniah ly Shemaiah napi nai chapo leaungrei hawi, Hattu, Ikala, Baria, Neriah hawi Shaphai napi nai katu leaung tariurei awm.

²³Neriah ly Elioenai, Hizakia hawi Azarikam napi nai chapo leaung thomrei awm.

²⁴Elioenai ly Hodaviah, Elijashi, Pelaiah, Akub, Johanan, Delaiah hawi Anani napi nai chapo leaung saryhrei awm nai ne.