Read Khumi Chin 1 NENG SATANG 7 Bible Online

1 NENG SATANG 7 - Khumi Chin bible

1 NENG SATANG 7

¹Isakhar ly Tola, Puah, Jashu hawi Shimiron napi nai chapo leaung palyhrei awm.

²Tola ly Uzi, Rephaia, Jeriela, Jamai, Ibasam hawi Shemuel napi nai chapo leaung tariurei awm. Hunichi ly Tola nupaichi i luchi, amyn amthang nai risachi ne. Nichi i kangpreang khumichi ly samrang Davida deung y leaung 22,600 rei awm.

³Uzi ly Izarahia napi nai chapo leaungrei awm. Izarahia hawi nichi i chapochi napi nai Mikhala, Obadia, Joela hawi Isashiachi ly yhm dengtheungchi ai lu sa naichi ne.

⁴Nichi ly aju neangneang la nai deaungkho y, nichi i kangpreang theung i tavai keung y kalop sa ai nai khumi leaung 36,000 rei nga nai ne.

⁵Pri peang nai keungchi i record ra y Isakhar theaung theung i, yhm dengtheung bawibawi ra y tavai kalop thau pajau nai khumi leaung 87,000 rei awm nai ne.

⁶Benjamin ly Bela, Bekha hawi Jediaela napi nai chapo leaung thomrei awm.

⁷Bela ly Ezabon, Uzi, Uziela, Jerimoth hawi Iri napi nai chapo leaung pangrei awm. Nichi ly mymychi nupaichi theung y yhm dengtheung luchi, amyn amthang nai risachi ne. Nichi i kangpreangchi theung y tavai keung y kalop sa pajau nai khumi leaung 22,034 rei awm.

⁸Bekha ly Zemirah, Josha, Eliaza, Elioenai, Omari, Jeremoth, Abija, Anatho hawi Alemet napi nai chapo leaung takawrei awm.

⁹Pri peang nai keungchi i record ra y, nichi i kangpreangchi ly yhm dengtheung tleirei tavai keung y kalop sa pajau nai khumi leaung 20,200 rei awm nai ne.

¹⁰Jediaela ly Bilahan napi nai chapo leaungrei awm. Bilahan ly Jusha, Benjamin, Ehu, Khenanah, Zethan, Tarshish hawi Ahishaha napi nai chapo leaung saryhrei awm.

¹¹Nichi bawibawi ly mymychi nupaichi theung y yhm dengtheung i luchi, amyn amthang nai risachi ne. Nichi i kangpreangchi theung y tavai keung y kalop sa pajau nai khumi leaung 17,000 rei awm.

¹²Shupim hawi Hupim nini py, hini theaung theung y abawi nai ne. Dan ly Hushim napi nai chapo leaungrei awm.

¹³Naphtali ly Jaziela, Kuni, Jeza hawi Shalum napi nai chapo leaung palyhrei awm. (Nichi ly Bilaha i kangpreangchi ne.)

¹⁴Manase ly Arami neampachy aju katheang hawi nga nai chapo leaung nyhrei, Asariela hawi Makhira ne. Makhira i chapo ly Kilead ne.

¹⁵Makhira ly Hupim hawi Shupim nini i vui aju hau pi. Ni i tuicho ly Maaka ne. Makhira i pa-nyh chapo ly Zelophehad ne i, ni ly chaniuchi naini awm khyh.

¹⁶Makhira i aju Maaka ly chapo leaung nyhrei tapen; nini ai Perez hawi Sheresh, nanai amyn pathi. Perez ly Ulam hawi Rakem napi nai chapo leaung nyhrei awm.

¹⁷Ulam ly Bedan napi nai chapo leaungrei awm. Hini khumichi ly Makhira i chapo, Manase i katu Kilead i kangpreangchi ne.

¹⁸Kilead i tuicho Hamoleke ly Ishoda, Abiza hawi Mahlah napi nai chapo leaung thomrei awm.

¹⁹(Shemida ly Ahian, Shekhem, Likhi hawi Aniam napi nai chapo leaung thomrei awm nai ne.)

²⁰Ampo hawi chapo amynchi ka-thui Ephraim i kangpreangchi ly Ephraim, Shuthela, Bered, Tahath, Elead, Tahath,

²¹Zabad, Shuthelachi ne. Ephraim ly Eza hawi Elead napi nai chapo leaung nyhrei awm rai. Nichi ai ly kath mary khumichi i sichi paviu ai nai atho sa nai molam y padei vui nai ne.

²²Ampo Ephraim ly chapo leaung nyhrei i vui y kani neangneang vo tangam nai deaungkho y, ni i amjo amnauchi my ni ai paleung pahawi u bo.

²³Naibaly ni ly my i aju hawi i ahawi bi i, aju ly deaungdi aniu iy chapo tapen bo. Nini ly my ni i yhm dengtheungra y patang naira avum nai molam y, huni chapo ai Beria, nanai amyn pathi nai ne.

²⁴Ephraim ly Sherah napi nai chaniu leaungrei awm. Huni neampachy ly tleng Bethoron mary, akui Bethoron mary hawi Uzen Sherah marychi ai palum nai khumi ne.

²⁵Ephraim ly Rephah napi nai chapo leaungrei awm. Ni i kangpreangchi ly Reshep, Telah, Tahan,

²⁶Ladan, Amihud, Elishama,

²⁷Nun, Joshuachi ne.

²⁸Nichi my peang vui iy khuteng sa u nai khu nisi mang y na baly Naran mary ryrei, Huni mary hawi Bethela mary sahawi i marychi, nidym mang y na baly Keza mary ryrei, huni mary sahawi i marychi abawi. Shekhem mary, Ajah mary hawi huni mary sahawi i marychi py abawi nai ne.

²⁹Manase i kangpreangchi ly Betshan, Taanah, Mekido, Dora marychi hawi huni marychi sahawi i marychi ai peang u bo. Hini marychi ly Jakob i chapo Josepha i kangpreangchi awm nai meingtym ne.

³⁰Asha i kangpreangchi ly anui mang ichi ne. Asha ly Imanah, Isavah, Isavi hawi Beria napi nai chapo leaung palyhrei hawi, Serah napi nai chaniu leaungrei awm.

³¹Beria ly Heba hawi Malkhiela napi nai chapo leaung nyhrei awm. (Malkhiela ly Birizai mary ai palum nai khumi ne.)

³²Heba ly Japhalet, Shoma hawi Hotham napi nai chapo leaung thomrei hawi, Shua napi nai chaniu leaungrei py awm.

³³Japhalet ly Pasach, Bimhal hawi Ashava napi nai chapo leaung thomrei awm.

³⁴Japhalet i amnau Shoma ly Roka, Jehuba hawi Aram napi nai chapo leaung thomrei awm.

³⁵Ni i amnau kasawi Hotham ly Zopha, Imanah, Shelesh hawi Amala napi nai chapo leaung palyhrei awm.

³⁶Zopha i kangpreangchi ly Suah, Hanepha, Shual, Beri, Imara,

³⁷Beza, Hoda, Shama, Itharan hawi Berachi ne.

³⁸Jetha i kangpreangchi ly jephonneh, Pispa hawi Arachi ne.

³⁹Ula i kangpreangchi ly Arah, Haniela hawi Riziachi ne.

⁴⁰Hini khumi bawibawichi ly Asha i kangpreangchi ne. Nichi ly yhm dengtheung luchi, amyn amthang nai risachi, kawp keh nai luchi ne. Nichi ly tavai keung y kalop sa ai hawi nai khumi leaung 26,000 rei awm nai ne.