Read Khumi Chin 2 NENG SATANG 10 Bible Online

2 NENG SATANG 10 - Khumi Chin bible

2 NENG SATANG 10

¹Rehoboam ly mymy ai samrang palyn ai nai tosyh mang i Israela chengchi awm angym nai Shekhem mary y chei.

²Samrang Solomon teng i lawira nga ai nai Aikupta pri mang y preang nai Neba i chapo Jeroboam ly huni satang thai nai khala, mymy i pri y vawi teang bo.

³Israela pri tosyh mang i cheng theaungchi ly ni ai palau iy Rehoboam teng y chei i ni teng y,

⁴“Nang i ampo ly kaichi i tlang tleaung y ji parai nai myn ang tleang bo. Nang ly ji parai nai myn hawi akawm parai nai kalopchi jang hai iy, kaichi ai tlamsa hai ai na baly, kaichi ly nang i kalopra y ka-ym awm parai naimy kasa u ai,” napi u.

⁵Rehoboam my, “Kani thomrei bo y jeu u teang; huna nai khala kaimy kang pathang pi ai,” napi i, nichi ly theu u ali teang bo.

⁶Naibaly samrang Rehoboam ly ampo Solomon ai tau pei nai miteaung kehchi teng y, “Huni khumichi ai kai ly mana pathang ai mo? Nangchi ati mana tau pei u ai mo?,” nanai deng.

⁷Nichi my, “Nang ly huni khumichi ai pahen iy, nichi i paleung kangai pathang pi baly, nichi ly nang i kalop ra y ka-ym awm naimy sa u jojo ai,” napi u bo.

⁸Na i py Rehoboam ly miteaung kehchi i tau pei nai ai dawn dang y naimy, my i tleaungri, vai i neng y mymy ai tau pei nai thawndeang deaungdichi hawi arum bo.

⁹Nichi teng y samrang my, “Nangchi ly kai ai ati mana tau pei u ai mo? Mynji alaw hai ai nai ang takeng nai khumichi teng y, kai mana pathang ai mo?,” napi.

¹⁰Nichi my, “Nang ly nichi teng y, ‘Kai i kiuchy ly kai i ampo akeng tleaung y py len keh.

¹¹Kai i ampo my ly nangchi i tlang tleaung y myn kaji ang tleang bo. Kaimy ly huni tleaung y ji nai myn tleang ai. Ni ly nangchi ai vuiha beang hawi ang pakhau; kai ly pakhaura vuinawn hawi kang pajeaung ai!’ nanai thui pi,” napi u.

¹²Kani thomrei kani y Jeroboam hawi khumichi ly samrang Rehoboam my taviu yb nai kamta, tym u bi bo.

¹³Samrang ly miteaung kehchi i tau pei nai dawndan y naimy,

¹⁴thawndeang deaungdichi i tau pei nai kamta nichi teng y, “Kai i ampo ly nangchi i tlang tleaung y mynji angtleang bo; kai ly huni tleaung y ji nai myn kang tleang ai. Ni ly nangchi ai vuihabeang hawi ang pakhau. Kai ly pakhaura vuinawn hawi kang pajeaung ai!” nanai kado theu naimy pathang pi bo.

¹⁵Samrang ly hina nai mipuichi i leu tangai y nai ly amo Ahijah dengdairei Neba i chapo Jeroboam teng y leu pei nai kamta tym hai ai nai ARENG Tameuh i kangai ne.

¹⁶Samrang ly mychi i leu tangai pi ai ny y leang bo, nanai pany nai khala khumichi ly “Achi ly Davida hawi ni i yhm dengtheungchi teng i ati phy py ngo y. Jese i chapo teng i achi ly ati kamtym py ngo y leang. Aw Israela khumichi awi, amychi yhm mang phai vawi u sina! Rehoboam ly mymy i yhm dengtheungchi phai khen na sy!,” nanai aeu u. Hunaibaly Israela khumichi my tiu nai deaungkho y,

¹⁷Rehoboam ly Juda khu ka-peang y awm nai khumichi ai naini peang khyh bo.

¹⁸Huna nai khala samrang Rehoboam ly kalop ram sa nai kamkawm lu Adoniram ai Israela pri y pato. Na i py Israela khumichi my ni ai lengseaung hawi aphi ka. Naibaly Rehoboam ly my i ka-ri tleaung y atang kaliki iy, Jerusalem mary mang y angpreng vui bo.

¹⁹Naibaly huni neng dengdairei Israela pri tosyh mang i khumichi ly Davida i samrang kangpreangchi ai vaini khrairei tiu u nai ne.