Read Khumi Chin 2 NENG SATANG 4 Bible Online

2 NENG SATANG 4 - Khumi Chin bible

2 NENG SATANG 4

¹Samrang Solomon ly jeng miu 20 rei hawi ka-sang miu 10 rei awm nai kheupaja maicham sa hai bo.

²Mymy ly kathiu miu 5 rei, kakau miu horei, ka-hi miu 30 rei awm nai kheupaja tuikan py sa hai nai ne.

³Tuikan i tavai teng mang kamkira y, si katai mynchi hawi ka-pu sa. Huni si katai mynchi tleng tlawi lam nyhrei ai tuikan hawi patawm prei iy sa nai ne.

⁴Tuikan i makengrei mang y si katai myn thomrei riri, khuteng palyhrei mang y motha nai si katai myn holai nyhreichi i anangkengleng salo y panui iy sa.

⁵Tuikan tavai katho ly kiupui bi thomrei awm iy, huni salo i tavai ly uithawn khau kamta, kaseaung pau kangdai hawi atawm. Huni tuikan ly tuibeung 3750 rei avai na.

⁶Nichi ly Achura yhm tokalawi mang y pangrei, tosyh mang y pangrei khai ai nai tui kadengra horei py sa. Huni tui kadengrachi ly leng patlum nai kapathypra phyreichi paju pasi ai nai ne. Tuikanra i tui ly pathyp pi nai keungchi apaju apachai nai i vui ne.

⁷Nichi ly teaung reng nai kamta, maisi yhm khaira horei hawi sabawi horei sa iy, Achura yhm hall lamtang mang y pangrei, langvawi mang y pangrei khai u. Muku khau chungvairei py sa u nai ne.

⁹Nichi ly pathyp pi nai keungchi i vui theung mang y lengseaung apai sa pi iy, angam mang py lengseaung apai sa pi. Hini ly-um nyhrei sala y awm nai katheuchi ly kheupaja hawi mym bo.

¹⁰Tuikan ai ly Achura yhm nisi ngan mang y khai u nai ne.

¹¹Huram ly laawmchi, khaileaung chawnchi hawi khauchi py sa. Ni ly samrang Solomon teng y leu adeu nai kamta, Achura yhm i vui vawnsai ateaung alangchi sa pi angym be bo. Hunichi ly Yhmmawm nyhrei Laawm hawi atawm nai yhmmawm mym nai nyhrei Yhmmawm mymrachi i vui kaseaung pau leng mynchi Thaisi athai myn lam nyhrei i vui thaisi athai 400 rei Ka-ri horei Tui kadengra horei Tuikan Tuikan ai tawi nai si katai myn holai nyhrei Laawmchi, khaileaung chawnchi hawi acha kaseurachi Kupe kakawp Huram ly ARENG i Achura yhm y teaung ai nai, hini vawnsai ateaung alang bawibawichi ai samrang Solomon i leu pei nai kamta, amchai parai nai kheupaja hawi sa pi nai ne.

¹⁷Samrang ly huni bawibawichi ai Jordan tavo jawnbai, Sukkoth mary hawi Zeredah mary sala y awm nai kheupaja patlawn naira y sa hai nai ne.

¹⁸Sa nai vawnsaichi ly nawi parai nai deaungkho y, hunira teaung nai kheupaja i kaji ami py pany y.

¹⁹Samrang Solomon ly Achura yhm i vui muku hawi py ateaung alangchi sa hai bo. Hunichi ly muku maicham, tako kachai khai naira sabawichi,

²⁰Paran yb nai kamta ly khri pa-rei chai nai meingtym mo y thawn nai muku maisi yhmchi hawi maisi yhm khaira sabawichi,

²¹ka-pu sa nai kaseaung pauchi, maisi yhmchi hawi mai syn hai nairachi,

²²mai takip nai tangkeihchi, samtangchi, khauchi hawi mai-ai khairachi ne. Huni vawnsai ngiereichi ly muku tangcheng hawi sa. Achura yhm angam mang katheuchi hawi khri pa-rei chai naira mang y kun nai katheuchi ly muku hawi palum naichi ne.