Read Khumi Chin EZARA 1 Bible Online

EZARA 1 - Khumi Chin bible

EZARA 1

¹Pasia samrang Kuru ly empara samrang lawm nai angchei i saneng y, ARENG ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y ARENG my amteng hai nai hawi vanrei atiti tym hai ai nai ne.

² Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai ARENG Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

³Tameuh ly mymy i khumichi hawi vanrei awm hai sy; nangchi ly Juda pri Jerusalem mary y chei iy huni mary y chiu nai Tameuh, napi nai Israela chengchi i ARENG Tameuh i Achura yhm sa palum teang ai nai tla.

⁴Pri pala nai cho Tameuh i khumichi vawi ali teang ai nai i vui y kasabawmra ngai lawh teu baly, tengpang sahawi y awm nai hunira i khumichi my sabawm ai nai tla. Nichi ly muku, tangka, cha nei ateaung alangchi, vawn tang nai tawnbawichi khyh chang y i, Jerusalem mary y awm nai Tameuh i Achura yhm i vui apathyp ai nai katalamrachi py pei pi ai nai tla,” napi.

⁵Huna nai khala Juda hawi Benjamin cheng nupaichi ai lu sa naichi, pathyp pi nai keungchi, Levi theaungchi hawi Tameuh teng y paleung apei nai khumi bawibawichi ly Jerusalem mary y chei u iy, ARENG Tameuh i Achura yhm sa palum teang ai nai angvei u rym bo.

⁶Nichi i tengpang y awm nai khumichi ly muku, tangka, cha nei ateaungchi, vawn tang nai tawnbawichi, takhra vang kateng vawnsaichi hawi Achura yhm i vui apathyp ai nai kapathyprachi sabawm u.

⁷Samrang Kuru ly Jerusalem mary i dengdairei samrang Nebukhadnezar my la pi vui iy, my i tameuhchi achura yhm y khai vui nai khauchi ai nichi teng y pei pi bo.

⁸Samrang ly huni khauchi ai yhmtheaung katui kry nai keung Mithreda teng pei iy, Mithreda ly hunichi ai samrang i bangtang kalen Shesabaza teng y

⁹vuikanai sa iy pei pi nai ly anui mang i naichi ne: katalamrachi khaira muku rahum — 30 katalamrachi khaira tangka rahum — 1,000 takhra rahum — 29 muku rahum katheang — 30 tangka rahum katheang — 410 takhra ateaung alangchi — 1,000

¹¹Shesabaza ly pri palara y abawi naichi hawi vanrei Babulon pri dengdairei Jerusalem mary y vawi nai khala y muku rahum, tangka rahum hawi takhra vawnsai ateaung alang bawibawi 5,400 rei syn u teang bo.