Read Khumi Chin NEHEMIA 12 Bible Online

NEHEMIA 12 - Khumi Chin bible

NEHEMIA 12

¹Shealtiela i chapo Zerubabela, pathyp pi nai keung kalen keh Josua hawi vanrei, pri palara i vawi u ali teang nai pathyp pi nai keungchi hawi Levi theaungchi i vuikanai pany hai pi ai:

²Pathyp pi nai keungchi: Seraiah, Jeremia, Ezara, Amariah, Mallu, Hattu, Shekaniah, Rehum, Meremoth, Iddo, Kinnethon, Abijah, Mijamin, Maadiah, Bikala, Shemaiah, Jojari, Jedaiah, Sallu, Amok, Helkia hawi Jedaiah. Hini khumichi ly Josua deung y mymychi i ahawi pathyp pi nai keungchi i luchi ne.

⁸Levi theaungchi: Anui mang i naichi ly kawn nai leu thui nai khulymchi thui naira y lu sa nai keungchi ne: Jeshua, Binnui, Kadamiela, Sherebiah, Juda hawi Mattaniahchi ne.

⁹Anui mang i naichi ly khulym atlau nai khulym kamkawmchi ne: Bakabukiah hawi Unno nini i ahawi Levi theaungchi ne.

¹⁰Josua i chapo ly Jojakim, Jojakim i chapo ly Eliashib, Eliashib i chapo ly Jojada ne;

¹¹Jojada i chapo ly Jonathan, Jonathan i chapo ly Jadua ne.

¹²Pathyp pi nai keung kalen keh Jojakim deung y anui mang i naichi ly pathyp pi nai keung nupaichi ai lu sa naichi ne: [Pathyp pi nai keung] — [Nupai] Meraiah — Seraiah Hananiah — Jeremia Meshulam — Ezara Jehohanan — Amariah Jonathan — Mallukhi Josepha — Shebaniah Adana — Harim Helakai — Meraih Zekhariah — Iddo Meshulam — Kinnethon Zikhri — Abijah Hebrai cha-iu theung y amyn abawi y — Miniamin Pilatal — Moadiah Shamua — Bilaka Jehonathan — Shemaiah Mattenai — Jojari Uzi — Jedaiah Kalei — Sallai Ebar — Amok Hashabiah — Helkia Nethanela — Jedaiah

²²Pathyp pi nai keung kalen keh Eliashib, Jojada, Jonathan hawi Jaduachi i deung y Levi yhm dengtheungchi hawi pathyp pi nai keung yhm dengtheungchira y lu sa naichi i amyn vuikanai ly tajiu typ bo. Hini vuikanai ai ly Pasia empara samrang Dari deung y tajiu pajau nai ne.

²³Na i py Levi yhm dengtheungchi ai lu sa nai vuikanai ai Eliashib i katu Jonathan i deung ryrei naini, tajiu typ nai recordchi niu khyh nai ne.

²⁴Hashabiah, Sherebiah, Jeshua, Binnui hawi Kamielachi i lu sa nai anui y awm nai Levi theaungchi ly kamkawmchi phy iy, kalop sa u. Nichi ly Tameuh i miseaung Davida my lam patei nai kamta, tlenreira y kamkawm nyh nyhreichi ly Tameuh ai palo naimy kawn nai leu thui u bo.

²⁵Achura yhm y kun nai katheu pa-kho sahawi i vawnsai khai nai takunchira y kalop sa nai Achura yhm typ nai risachi ly Mattniah, Bakukiah, Obadia, Meshulam, Talamon hawi Akubchi ne.

²⁶Hini khumi bawibawichi ly Jehozada i katu, Josua i chapo Jojakim, samrang i bangtang kalen Nehemia, Reita leu pei nai ai kawp nai pathyp pi nai keung Ezara i deung y awm u naichi ne.

²⁷Jerusalem mary apai khai takhra nai khala y, Levi theaungchi ly amo theu parai naimy kawn nai leu thui nai khulymchi thui iy, sa-ra hawi tarochi beu naimy abawi u ai nai, nichi awm nai meingtymchira i dengdairei hawi u bo.

²⁸Khulym thui nai Levi yhm dengtheungchi ly mymychi khuteng chah nai Jerusalem mary tengtang Netopha tengpang i marychi,

²⁹Bethkilakala, Keba hawi Azamaveth avangchi mang i dengdairei jeu u nai ne.

³⁰Pathyp pi nai keungchi hawi Levi theaungchi ly mymychi kypkyp i vui py, mipuichi, mary katheuchi, mary apai i vui py, reita leaungsai kamta kachai sa u.

³¹Kai ly Juda luchi ai mary apai salo y angym hai iy mary amki i, Tameuh teng y kawn nai leu thui ai nai kamkawm pui nyhrei ai lu sa hai bo. Angchei kamkawm harei ly anyn angso katheu pa-kho mang y lu amhi naimy, mary apai salo y lamtang ka-mi amki u.

³²Khulym thui naichi nithun mang ly Hoshaiah; ni i nithun y Juda lu sa naichi ka-hyhrei abang u.

³³Huni bo i nai ly pathyp pi nai keung Azariah, Ezara, Meshulam, Juda, Benjamin, Shemaiah, Jeremiachi hawi pathyp pi nai keung phyreichi ly baw eng naimy abang bo. Huni bo baly Shemaiah i katu Jonathan i chapo Zekhariahchi abang nai ne. (Ni i amsi pajochi teng y Asap nupai Mattniah, Mikaia hawi Zakurachi abawi.)

³⁶Ni i nithun y ly my i nupai Shemaiah, Azarela, Milalai, Kilalai, Maai, Nethanela, Juda hawi Hananichi ly Tameuh i khumi samrang Davida my beu nai katyn kapau ateaungchi syn iy abang u. Reita leu kawp nai Ezara my, hini khumichi amki naira y lu sa.

³⁷Micheaung apai katheu pa-khora y tym nai khala, nichi ly Davida i mary mang y lyn kalau nai khailei kheubyn mang lyn iy, Davida i yhm mang y tako prei naimy, mary nisi mang tui apai pa-kho sahawi i mary apai mang y tym u ali teang nai ne.

³⁸Kawn nai leu thui nai takhra khumichi ly mary apai salo y, langvawi ka-mi amki u. Kai ly mipuichi theung i ka-hyhreichi hawi vanrei, nichi nithun mang abang bo. Kaichi ly tako paawp nai yhm ka-sang tako prei naimy, mary apai kakau ryrei tako u iy,

³⁹Ephraim apai katheu pa-kho, mary kangngym katheu pa-kho, ngo katheu pa-kho, Hananela yhm ka-sang hawi Chungvai yhm ka-sangchi ai tako prei iy, beram katheu pa-kho mang y tako chum baly, Achura yhm sahawi i apai katheu pa-khora y angdo u bo.

⁴⁰Hunaibaly Tameuh teng y kawn nai leu thui nai khumi kamkawm nyhrei ly Achura yhm ka-peangra y tym u nai ne. Kai hawi vanrei abang nai luchi khyh chang y naimy,

⁴¹kai i khumi kamkawm theung y baw eng nai pathyp pi nai keung Eliakim, Maaseiah, Miniamin, Mikaia, Elijonai, Zekhariah hawi Hananiahchi abawi u bo.

⁴²Nichi i nithun mang y Maaseiah, Shemaiah, Eliaza, Uzi, Jehohanan, Malakhijah, Elam hawi Ezachi abang u; Jezrahiah my lu sa nai khulym kamkawmchi ly tao pajeng parai naimy thui u nai ne.

⁴³Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

⁴⁴Huni neng khala y saneng tleirei amti amjang athai chuluchi hawi, myn man nai thengthaichi horei y harei hawi, takhra talam nai vawnsaichi khaira takunchi kry nai keungchi ai vawi takhra bo. Hini khumichi ly Reita leu pei naira i pany hai nai kamta, pathyp pi nai keungchi hawi Levi theaungchi i vui katalamrachi ai mary katheang kalenchi sahawi i, li hlau tleirei y cheaung ai nai ka-vo sa u.

⁴⁵Ati mana nai mo na baly pathyp pi nai keungchi hawi Levi theaungchi ly kachai asa nai hawi, Tameuh my leu pei nai takhra reita leaungsaichi py sa pi nai deaungkho y, Juda mipuichi ly amo theu u bo. Achura yhm katyn kapau beu kawp naichi hawi tamcheaung typ nai risachi my py, samrang Davida hawi chapo Solomon nini my sa hai nai kamta, mymychi i kalopchi sa u nai ne.

⁴⁶Jangni khala y samrang Davida hawi katyn kapau beu kawp nai Asap nini deung i dengdairei amteaung nai, Tameuh teng y kawn nai leu thui nai khulym ly katyn kapau beu kawp nai keungchi my lu sa iy, thui u bo.

⁴⁷Zerubabela hawi Nehemia nini i deung y py, Israela cheng bawibawichi ly Achura yhm katyn kapau beu kawp naichi hawi tamcheaung typ nai risachi i vui y, kani tleirei cha nei vawnchi sabawm pi. Khumi mipuichi ly Levi theaungchi teng y katalamra kachaichi talam pi. Levi theaungchi my py pathyp pi nai keungchi teng y avo nai ryrei talam u bo.