Read Khumi Chin ESTHER 4 Bible Online

ESTHER 4 - Khumi Chin bible

ESTHER 4

¹Hina nai leaungsai bawibawi ai Modekai pany nai khala y khri pa-rei paleung bi i, mymy i ateaungchi sei iy paisiu akhiu, lu y maidym aphui bo. Naibaly ni ly khri pa-rei vo hang naimy samrang yhm katheu pa-kho y tym pa-rei, mary tako prei bo.

²Ami py paisiu akhiu iy samrang yhm theung y kun ngau y nai deaungkho y, ni ly samrang yhm theung y ly kun y nai ne.

³Samrang i leu pei nai cha tym nai pri khu ka-peang tleirei y Juda chengchi ly biu hai iy vo hang u nai ne. Khumi luteng paisiu amchiu iy maidym salo y jawn u bo.

⁴Esther i miseaung neampachychi hawi tli chum naichi ly. Modekai i sa nai saichi Esther teng y amti pi. Naibaly Esther ly khri pa-rei paleung mawn khrukhra nanai ne i, Modekai teng y paisiu amchiu y ai nai ateaungchi tha pi iy py ngai pi y nai ne.

⁵Naibaly samrangnu ly mymy i vui samrang my khai pi nai miseaung tli chum nai Hathat ai palau iy ati mana nai leaungsai mo, nanai pany ai nai Modekai teng y pato bo.

⁶Hathat ly samrang i yhm apai pa-kho ly-um y awm nai Modekai teng y chei.

⁷Modekai my ni teng y tym nai leaungsai bawibawichi ai py, Juda cheng bawibawichi ai padei be baly, samrang i tangka khaira theung y tangka majirei pakun ai, nanai Haman i leu adeu yb nai py thui pi bo.

⁸Juda chengchi ai padei ai nai Susa mary theung y cha harei py pei pi; Modekai ly Hathat teng y, “Hini leu pei nai cha ai Esther teng y pei pi ly avum nai leaungsaichi thui pi pachai ba; naibaly ni ai samrang teng y kun iy, amy i khumi cheng tlang tleaung y pahen ai nai takeng pi na sy,” nanai taviu bo.

⁹Hathat py Modekai i taviu nai kamta sa.

¹⁰Naibaly Esther ly Hathat ai Modekai teng y pato bi i, thui hai nai ly

¹¹“Neampacho py ne sy, neampachy py ne sy, samrang palau y naimy samrang yhm theung, samrang teng y kun lawh nai khumi ai ly padei ai nai ne; hini ly reita ne nai deaungkho y samrang ai tau pei nai bangtangchi dengdairei, pri khu ka-peang tleirei y awm nai khumi bawibawichi pany u nai ne. Huni reita ai envui thai nai lam harei awm khyh; samrang my muku tivi talam pi lawh baly kun nai khumi ly tlang hengra nga ai. Na i py kai ai samrang my palau y nai lorei awm bo,” napi.

¹²Modekai ly Esther my pathang nai leu thai nai khala y,

¹³pany hai ai nai leu taviu nai ly “Nang ly samrang i yhm y awm nai deaungkho y takhra Juda chengchi tleaung y chymme naira awm ai, nanai dawn moh.

¹⁴Nang ly vai hini neng y ati sai py so naimy awm pypy vui lawh ai na baly, Juda chengchi ly kani pri mang i dengdairei kasabawmra nga iy atleura nga ai. Na i py nang ai ly ang padei ai i, ngampo i yhmtheaung py tama ai; nang samrangnu lawm nai ly hini neng i vui y ne na a!” napi.

¹⁵Esther ly Modekai teng y,

¹⁶“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

¹⁷Naibaly Modekai ly theu iy Esther i leu taviu nai kamta sa nai ne.