Read Khumi Chin ESTHER 7 Bible Online

ESTHER 7 - Khumi Chin bible

ESTHER 7

¹Naibaly samrang hawi Haman ly Esther i dym biu cha pawira y

²tlen pa-nyh chei hawi bi nai ne. Samrang ly kreip hang nei nai thym khala Esther teng y, “Samrangnu Esther awi, ati hnei ai nai ngai mo? kai teng thui ba. Nang i ngai nai kang pei ai; kai i empara pri ka-hyhrei malawn py nang ai kang pei ai,” napi.

³Samrangnu Esther my, “Samrang awi, kai ly nang i paleung kangai hawi avum iy hnei nai pei ai na baly, kai hawi kai i chengchi tlang tleaung y deira i nai lawi naira pei kyh ba.

⁴Kai hawi kai i chengchi ai jo chum veng nai deaungkho y, kaichi ly dei u ai bo; miseaung achei nai ryrei khyh lawh na baly, kai ly samrang nang ai paleung khrukhra hai y naimy kham tanga veng ai bo; vai ly kaichi ly cheng myh ai nai pa-rei taphra nai avum u ai bo!” napi.

⁵Naibaly empara samrang my samrangnu Esther teng y, “Hina nai kalop sa vam nai khumi ly amo mo?” nanai deng.

⁶Esther my, “Kaichi i paleung ka-e, kaichi ai ana piupa nai keung khumi hawi y nai ly hini Haman ne!” nanai pathang.

⁷Samrang ly kado theu i dym biu cha pawira i nai ang thau iy, samrang yhm akho mang y chei bo. Haman ly hini molam y mymy i tlang tleaung y samrang ly pajeng khyp ai, nanai pany nai deaungkho y mymy ai pajeng y ai nai Esther teng y ahui nai awm jo.

⁸Ni ly ahui ai nai Esther i ira kadang sahawi y ambeu nai thym khala, samrang ly akho i nai tym teang i, dym biu cha nai meingtym mang y kun bo. Naibaly Haman i sa nai sai niu nai khala y samrang my, “Hini khumi ly samrangnu ai samrang yhm angtheung, kai i mo y my pajang ai nai sa lawh a?” nanai aeu bo. Samrang my hina nai kamta thui nai khala y tli chum naichi ly Haman i meimai y tleang u bo.

⁹Naibaly tli chum nai Habona my, “Haman ly nang i tlang atleu nai Modekai ai padei ai nai, mymy i yhm y akaeura sa yb bo. Huni akaeura ly miu vuipangrei asang nai ne!” napi. Samrang my, “Haman ai huni yhmmawmra y bang iy padei,” nanai leu pei.

¹⁰Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.