Read Khumi Chin JOBA 13 Bible Online

JOBA 13 - Khumi Chin bible

JOBA 13

¹Huni i awm nai saichi, vaichi khala kai thai reng nai ne. Huni bawibawichi kai pany; nangchi pany nai ryrei kai pany. Kai ly nangchi tleaung y theang nai ny y leang.

³Na i py kai ly nangchi hawi aei nai ny y; Tameuh hawi naini a-ei nai teu. Kai ly kaimy i sa nai sai, mymy teng y amti pi ai ngai.

⁴Nangchi ly nangmychi i, tau cheng naira by y nai ai ka-chawi leuchi hawimy tamym u bo. Nangchi ly mani khumi kano ai py, no hawi pa-rei so thai y nai asi sara hawi atawm.

⁵Awm u pypy; huna khala naini nangchi ai khumi kachengchi ne, nanai khumichi my pany u ai.

⁶Kai i sa nai sai amti nai neng khala tangai u.

⁷Nangchi ly ati mana nai y. ka-chawi leu thui u lawh mo? Nangmychi i ka-chawi leuchi ly Tameuh ai amo theu hai ai, nanai athang khai u a?

⁸Nangchi ly Tameuh mang y asa naichi ne u a? Mymy i sa nai sai molam y, tara jeung y seu u ai a?

⁹Tameuh ly nangchi i tlang tleaung y hawihai palai ang chih lawh baly, nangchi teng y hawi naira sai sairei niu na a? Nangchi ly khumi ai li-tapawp nai kamta, Tameuh ai li-tapawp pajau ai, nanai athang khai u a?

¹⁰Nangchi ly nangmychi i milei nai sai ai tamym teu i py, Tameuh ly nangchi ai ang parip ai.

¹¹Mymy i sa thai naira ly nangchi athengra iy, kaso theu hai ai.

¹²Nangchi i leu kachengchi ly maidym kamta, ati sai py ny y. Nangchi i akhi nai leuchi ly aneaung kapan kamta khaw y.

¹³Nangchi awm u pypy ly kai ai leu katheu ai nai pei u; huni bo baly kaimy rara ne sy.

¹⁴Kai ly kaimy i tlang areu ai nai angchi yb teu bo.

¹⁵Kai i vui ly athang khai naira by y bo i, Tameuh my kai ai dei hai teu i py, ati sai py ny y ai. Kai ly kaimy i sa nai sai, mymy teng y pany hai ai.

¹⁶Mani khumi hawi y nai py ne sy, Tameuh i mo y amteng vam y nai deaungkho y, kai i vam nai sai ly lawira lawitleaung netaing ne lym ai.

¹⁷Kai i thui pachai nai leuchi tangai u.

¹⁸Kai ly kaimy mang teng, nanai apany nai deaungkho y, kai i sa nai sai amti pi ai nai, angveirym yb nai ne.

¹⁹Aw Tameuh, nang ly kai ai hawi y, nanai neng hai ai a? Huna ai nabaly kai ly awm pypy iy dei ai nai angvei yb bo.

²⁰Aw Tameuh, kai i hnei takeng nai sai nyhrei ai pei kyh ba. Hunaibaly nang i mo i nai kai ly aheu vui ai nai atho so y leang bo.

²¹Huni nyhrei ly kai i tlang tleaung y kamngo pajengra i nai anawn pi ai nai hawi, ka-jeirachi kai ai pajei pahyn y ai nai kang takeng.

²²Aw Tameuh, nangmy leu pei manme ba; kaimy kang pathang teang ai. Ti y baly kai ai takeng manme ai nai pei iy, nangmy pathang pi ba.

²³Kai ly ati kamngochi hawi tamang naichi kasa nai awm lawh mo? Kai i tlang tleaung y ati kamngochi hawi neng hai ai mo?

²⁴Nang ly ati mana nai, kai teng i nai meimai hi pi vui lawh mo? Ati mana nai y paleung ka-e kamta, kai ai dawn lawh mo?

²⁵Nang ly kai ai ati mana nai pajei lawh mo? Kai ly dengkeaung ngamchy teu; nang ly chohphi kajei ai tiu nai ne.

²⁶Nang ly kai ai khri pa-rei ka-awi sa ai nai atho sa bo; kai deaungdichy khala i sa tamang naichi molam y neng hai bo.

²⁷Kai i kheu ai deaungki thiu i; kai i kheukanchi khen patawm iy kai i kheulawichi ai malawn py, khen patawm nai ne.

²⁸Hunai deaungkho y kai ly dengkeaung karaw kamta py, mipo my cha nai ateaung kamta py, deihpiu na bo.