Read Khumi Chin JOBA 14 Bible Online

JOBA 14 - Khumi Chin bible

JOBA 14

¹Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

²Nichi ly kaseaung kamta pau kasa iy, rawm u bo. Pa-pui kamta tama u reng nai ne.

³Aw Tameuh, huna nai khumi, kai ai khen patyp i, tara jeung y chei iy pajeng ai a?

⁴Chai y nai khumi theung i, ami nai kachai patheu pajau ai mo? Ami py patheu pajau y.

⁵Khumi ly saneng majirei heng sau ai mo, lo majirei awm ai mo, nanai khai pi yb nai ne. Hunichi ai mymy pasym pi yb nai deaungkho y, palai vui pajau y.

⁶Ni teng i nai meimai hi vui iy, my tlairei naini awm hai khyh ba. Tham nai khumi kamta, kalop ram sa iy awmnem pajau ai nabaly, awmnem ai nai pei kyh ba.

⁷Paliu vui chum nai dengkeaung ly athang khai naira awm rai; huni ly chethe pati iy heng ali teang pajau.

⁸Khaileaung theung y tangjynchi ly tangym iy, miukhiu dei teu i py,

⁹tui lei pi baly keung dichy kamta sai pati ai.

¹⁰Na i py khumi ly dei baly, tama pyn ryp veng nai ne. Dei nai bo y ni ly ma mang y awm mo?

¹¹Tui leaung y nai tavochi hawi, tui kang vui nai tuikanchi kamta,

¹²khumichi ly dei nai bo y ang thau u bi y leang bo. Kani khusang awm jo nai ryrei ly nichi anglaw u ai ny y. Nichi ly i-ngym naira i, mana khala py ang thau u ai ny y.

¹³Mymy ly kai ai tavau pri y heu vui sy. Nang i kado theu nai rym nai ryrei, kai ai heu vui sy. Hunaibaly kai ai pany jo ai nai, neng khai pi takhra sy.

¹⁴Khumi dei nai ly heng rai na a? Na i py kai ly awm nai sai neng kahawi ajeng ai. Hini ngari kamtang tym nai neng katlen vui nai pa-rei ajeng ai.

¹⁵Hunaibaly mymy ly kai ai palau nai khala, pathang pi ai. Huna nai khala mymy ly mymy i sa nai kai ai ang khrei ai.

¹⁶Hunaibaly mymy ly kai i kheukan ngiereichi ai khen patawm nai ne. Na i py kai i kamngochi ai kheulawi padyh iy, ang khen patawm ai ny y.

¹⁷Mymy ly kai i kamngochi lawi hai iy, ang pahen pi ai. Kai i sa tamang nai ngiereichi, tama hai pawn ai.

¹⁸Mawichi anawi iy lengseaungchi asyh pawn nai neng tym ai.

¹⁹Tui ly lengseaungchi tlum hai nai kamta, khri pa-rei taawi nai kanitui ly khaileaung kalum kathau leaung hai pawn nai kamta, mymy ly khumichi heng ai nai, athang khai naira tama hai pawn bo.

²⁰Mymy ly khumichi ai pajau iy, tama hai jo nai ne. Khumi ly dei nai khala, meimai aneaung vui bo.

²¹Ni i chapochi ai tahm pasang nai ai ni ly mana khala py pany y. Nichi tahm anem u nai khala py, ni ai thui pi ai nai ngo y.

²²Ni ly ngan tlang no nai hawi paleung si paleung mawn naira naini avum nai ne.