Read Khumi Chin JOBA 3 Bible Online

JOBA 3 - Khumi Chin bible

JOBA 3

¹Kangkhym y Joba ly awm py thai y i, mymy ai tapen nai neng kani ai pasawi bo.

²Kai ai tapen nai kani ly amsawi lawi sy; Kai ai deaungdi niu angchei nai vum ly amsawi lawi sy!

⁴Huni kani ly veng cheng na sy. Tameuh ly huni kani ai pany jo moh sy. Huni neng kani ai mo mang y mana khala py, kangvang tym hai moh sy.

⁵Huni ly vengpam na sy. Khupanymchi ly huni neng kani ai khiu sy; huni neng kani ai kani si hai moh sy.

⁶Huni vum ly kaveng theung y tamo veng sy. Kanichi ai kati nai khala py, mo mang y mana khala py kati tabawi rau moh sy.

⁷Huni vum ly syhp, ti na sy; amo theu nai katyn thai moh sy.

⁸Levithan [5] ai pakym pajau nai atam sarachi ly huni kani ai pasawi u sy.

⁹Khawn tempo ly angvang moh sy; huni vum ly khawn khutawi ai nai kadeaung moh sy.

¹⁰Kai ai tapen ai nai pei iy paleung mawn patang naira avum hai nai deaungkho y, huni kani ly amsawi lawi na sy.

¹¹Kai ly amhm i taku theung y awm nai hawi tapen angchei nai khala py, ati mana nai kadei y lawh mo?

¹²Kai i amhm ly ati mana nai, kai ai phai tleaung y tapawm lawh mo? Ati mana nai y kanu panei lawh mo?

¹³Kai ly huni neng kani khala phai kadei vui lawh teu i khyly,

¹⁴mary kaphrachi ai palum teang nai samrangchi hawi bangtangchi i-nem pawn nai kamta, kai ly vai ka-i nem veng ai bo.

¹⁵Amy i yhmchira y muku tangka kawi pa-rei pateung achu nai samrang i cho chanauchi, i-nem pawn nai kamta py,

¹⁶pahaw vui nai deaungdi kamta py,

¹⁷tapreaung angawm y tym nai khala, khumi kamngochi ly mychi i sa tamang nai anawn u bo; kalop sa akawm nai khumichi ly ka-kawm pry naira nga u.

¹⁸Theaung tla nai khumichi malawn py, tlamsa naimy awm ai nai nga u. A-eu nai, hang hai nai, athorei my leu pei nai raawichi thai u y bo.

¹⁹Amyn amthang nai khumi hawi, amthang y nai khumichi ly huni meingtym y tym u. Miseaungchi py, yhmkeungchi kiu i nai law tleaung naira nga u bo.

²⁰Ngari kamtang avum nai khumichi ly ati mana nai y heng u lawh mo? Paleung mawn nai khumichi ly ati mana nai y kangvang nga u lawh mo?

²¹Huni khumichi ly dei ai nai neng ajeng u teu i py, huni neng ly mana khala py tym y. Nichi ly tai iy nga nai paisa tangka tleaung y, dei ai nai ngai u keh nai ne.

²²Nichi ly dei iy pavum nai avum nai khala naini amo theu u bo.

²³Tameuh ly nichi i mo mang i vui tamym pi vui iy. nichi ai paka pi vui nai ne.

²⁴Kai ly teicha teinei cha ai nai tleaung y ly kavo kahang nai ne. Katangam nai ly mana khala py, anawn pajau ai ny y leang.

²⁵Kai jei hyn nai hawi patang naichi ly ang tym bo.

²⁶Kai ly paleung awmnemra by y, tlamsa naira by y. Kai i patangra ly tem pajau y.