Read Khumi Chin JOBA 39 Bible Online

JOBA 39 - Khumi Chin bible

JOBA 39

¹Nang ly sumpajochi cho tapen nai neng pany a? Sisiunu i cho tapen nai ajeng iy khen vai a?

²Nichi i po num nai lochi kati pajau a? Mana khala cho tapen ai mo, nanai nang pany a?

³Nichi ly mana khala oh iy, mychi i chochi tapen ai nai nang pany a?

⁴Nichi i chochi ly adym angdengra y len ryh len ryh nai khala, theu iy nichi i amhmchi teng y vawi u ali teang y.

⁵Keaungngo kano kasau karamchi ai, mychi ngai ngai awm ai nai ami my pei mo? Nichi ai mychi ngai ngai tlai ai nai ami my pei mo?

⁶Kai ly daichi ka-vym hawi, nichi i awm naira palawi sau nai adym y, nichi sui tlai ai nai pei pi bo.

⁷Nichi ly katyn kapau tukalula nai marychi ai asyn reng; nichi ai ami py amjeaung pa-rei sa iy, kalop so hai thai y.

⁸Nichi ly acha kanghengchi hau naimy, mawi aheungchira y tlai u reng nai ne.

⁹Paino kasi ly nang i kalop sa hai ai nai ngai na a? Vum y nang i taipumra y awm ai nai ngai na a?

¹⁰Nang ly ni ai li thawnra abang ai nai, vuinawn hawi thang pajau na a? Ti y baly nang i li thawn hai pajau na a?

¹¹Nang ly ni i atho len nai ai a-ym pajau a? Nang i kalop kalen ai ni teng y au pajau na a?

¹²Ni ly nang i choh tawn pi iy, talang prang i nai chohpaira tawn pi na a?

¹³Tavo kula-iu ly my i pakhichi takhym nai khri pa-rei pala parai na! Na i py Obeaung asang kamta akheang pajau y leang.

¹⁴Tavo kula-iu ly khaileaung y kadui iy, khaileaung kathau kamhui kabi nga ai nai, kadui ai khai su reng.

¹⁵Nichi huni kaduichi ai kheu hawi chiu lawh ai, mawi kasi my taphra pi vui ai, nanai dawn pany thai y.

¹⁶Huni kaduichi ly my i kaduichi ny y nai kamta sa iy, ni ly my i sa akawm nai kamran awm ai ny y, nanai mawn y.

¹⁷Ni ai akhum hai iy, cheng naira pei y nai keung ly kai ne.

¹⁸Na i py ni i angpreng nai khala ly mani keaungngo hawi keaungngo risa ai malawn py, panui hai pajau ai.

¹⁹Joba awi, keaungngochi ai atho awm hai iy, kaneaung mui kasauchi ai ka-pu sa pi nai keung ly nang ne a?

²⁰Nang ly nichi ai akhutamachi kamta ampyh hai iy, noseng eng nai katyn hawi, khumichi ai angtheng hai bo.

²¹Nichi ly leaunghawichi theung y khaileaung ai, muiken hawi kalai u reng a? Atho haiho awm nai ngierei hawi py, tavai keung y angpreng u reng nai ne.

²²Nichi ly jei hyn ai nai leaungsai pany y; mani haisau tamo py, nichi ai paka pajau y.

²³Keaungngo risachi syn nai tavai ateaungchi ly ha harei hawi teaung iy, katyn theu nai ly kani kangvangra y sadi nanai ne.

²⁴Keaungngochi ly takoho naimy, mo mang y athorei my angpreng u reng. Baw eng nai khala nichi ly awm py thai y leang bo.

²⁵Nichi ly baw katyn thai nai tleirei, noseng eng u reng; kamlo mang my tavai atiu nai katyn patawm thai; tavai luchi i aeu iy leu pei nai raawi thai u nai ne.

²⁶Ahmsi ly nang teng y tau kacheng la iy, akheang nai amtiu i, tokalawi mang y akheang jo sai a?

²⁷Amhmtlau ly mawi ka-sangchira y tabu sa ai nai molam, nang i leu pei nai ajeng reng a?

²⁸Nichi ly asang parai nai lengseaungchira y tabu sa iy, mawi saleungchi ai, my i amtangra palawn reng nai ne.

²⁹Ni ly huni meingtym y awm iy, cha ai nai mawi ai khen i, kamlo mang my niu.

³⁰Amhmtlauchi ly kadeichi awm naira y akheang u reng. Amhmtlau chochi ly mawichi i thi pajaw reng nai ne.