Read Khumi Chin SAM 12 Bible Online

SAM 12 - Khumi Chin bible

SAM 12

¹[10] Aw ARENG, kaichi ai sabawm ba! Khumi kahawi leaungrei py by y; neaung hawi nai khumichi ai hau i py niu y leang bo.

²Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

³Aw ARENG, palo hawp reng nai palaichi takip veng ba! Amlyh reng nai khumichi i labeaungchi py tamym pi vui ba.

⁴Amlyh reng nai khumichi my, “Kaichi ly kaimychi i leu hawimy ngai nairachi kanga u; kaichi ly kaimychi i ngai nai kamta katheu ai; amimi py kaichi ai paka ai nai ngo y leang,” nanai thui u.

⁵ARENG my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

⁶ARENG i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

⁷Aw ARENG, kaichi ai phrumai by y naira y khai ba; khumi hawi y naichi kiu i nai amo hai ly kry jojo kyh ba. Khumi hawi y naichi ly meingtym tleirei y awm; khumi bawibawichi ly hawi y naira ai palo u nai ne.