Read Khumi Chin SAM 148 Bible Online

SAM 148 - Khumi Chin bible

SAM 148

¹ARENG ai palo u! Salo asang kehra awm naichi awi, kani mang dengdairei ARENG ai palo u.

²Kani pri amtaw thau nai bawibawichi hawi kani pri tavailu bawibawichi awi, mymy ai ly palo u.

³Kanito hawi lo awi, mymy ai palo u; angvang nai ka-si taukichi awi, mymy ai palo u.

⁴Salo keh hawi kani khusang i tuichi awi, mymy ai palo u.

⁵Huni atiti bawibawichi ly ARENG i amyn palo u sy! Mymy ly leu pei iy hunichi ai sa nai ne.

⁶Mymy i leu pei nai kamta, hunichi ly mymychi i avo nai meingtymchira y awm jojo nai ne; hunichi ly leu pei nai akhi pajau y.

⁷Pavui nakachi hawi, pangli thiu parai naira y awm nai bawibawichi awi, amlosadichi hawi ji akawichi awi,

⁸kani amai hawi khupanymchi awi, mymy i leu tangai nai ali kamchaichi awi, khaileaung mang dengdairei ARENG ai palo u.

⁹Mawichi hawi mawi aheungchi awi, thengthai keungchi hawi thengreungchi awi,

¹⁰amso mawi kamrawi hawi amso mawi kasichi awi, ava thai nai heng nai amjy hawi tavochi awi, mymy ai palo u.

¹¹Samrangchi hawi khumi bawibawichi awi, samrang i cho chanauchi hawi peang nai keung bawibawichi awi,

¹²thawndeangchi hawi anglochi awi, miteaungchi hawi deaungdichi awi, mymy ai palo u.

¹³Hunichi ly ARENG i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

¹⁴Mymy ly mymy i khumichi hawi, mymy i tamen keh nai Israela chengchi teng y khri pa-rei atho awm hai nai deaungkho y, huni khumichi ly mymy ai palo u bo. ARENG ai palo u!