Read Khumi Chin SAM 41 Bible Online

SAM 41 - Khumi Chin bible

SAM 41

¹[41] Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, ARENG my sabawm ai.

²ARENG ly ni ai ama hai iy, ni i hengra ai py kry ai. Mymy ly ni ai pri theung y amo theu parai naimy awm ai nai pei ai. Paleung ka-echi i kiu tleaung y au ai ny y.

³Ni i no patang nai neng khala y ARENG ly sabawm ai i, ni ai noso hawi hai teang ai.

⁴Aw ARENG, kai ly nang i tlang tleaung y kamngo sa bo. Kai ai pahen iy noso hawi hai kyh ba, nanai takeng bo.

⁵Paleung ka-echi ly kai i satang hawi y nai thui u bo. Nichi my, “Hini khumi ly mana khala dei iy, khumichi my ni i amyn mana khala tami ai mo?,” nanai ka-e paleung katheu u bo.

⁶Kai teng jeu iy khen u nai khumichi ly paleung ka-dawn kahawi awm nai khumichi ny y; nichi ly kai i satang hawi y naichi hau nai, meingtym tleirei y chei iy thui u reng nai ne.

⁷Kai ai niu ngai y nai khumi bawibawichi ly kai i satang ai, mychi tengtawi leu kamsyh y arum u bo.

⁸Nichi my, “Hini khumi ly deivi pa-rei no nai ne. Ira tleaung i nai mana khala py, ang thau bi pajau ai ny y,” nanai thui u bo.

⁹Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

¹⁰Aw ARENG, paleung ka-echi ai vawitheung tha pajau ai nai, kai ai pahen iy noso hawi hai teang kyh ba.

¹¹Paleung ka-echi ly kai ai eaung ai ny y nai deaungkho y, kai i tlang tleaung y nangmy khrei, nanai kai pany pajau ai.

¹²Kai ly kateng sa nai khumi ne nai deaungkho y, mymy ly kai ai sabawm nai ne i, mymy i mo y deungtasarei awm ai nai pei ai.

¹³Israela chengchi i Tameuh ne nai ARENG ai ly palo u! Mymy ai vai i dengdai, deungtasa khrairei palo u! Amen! Amen!