Read Khumi Chin SAM 42 Bible Online

SAM 42 - Khumi Chin bible

SAM 42

¹[42] Aw Tameuh, sisiu chakhi ly savai tleng nai tavo tui kadeaung nai kamta, kai ly nang ai kadeaung nai ne.

²Tameuh kangheng napi nai, nang ai kai ly kadeaung bo. Kai ly mana khala y nang i mo y ahihawi iy, chiu sa pajau ai mo?

³Kai ly vum, kanithun vo nai deaungkho y, mei katuichi ly kai i teicha teinei lawm na bo. Paleung ka-echi my kai teng y, “Nang i Tameuh ly ma mang y awm mo?,” nanai avawrei angdeang u bo.

⁴Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

⁵Kai ly ati mana nai y paleung ama lawh mo? Ati mana nai y paleung bi paleung mawn lawh mo? Kai ly Tameuh ai athang khai naimy kaawm ai. Kai i atleu keung, kai i Tameuh ai kapalo bi ai.

⁶Pri pala naira kai avum nai thym khala, kai i paleung si parai nai ne. Naibaly kai ly nang ai kapany jo nai ne. Nang ly Heramon mawi hawi Mizara mawi dengdairei, Jordan tavo y kaleng tui leaung nai kamta, paleung mawn nai tui sampyhchi pato pi iy, katyn kamsau ly kai ai ang khiu na bo.

⁸Kanithun neng khala y ARENG ly mymy i khaw parai nai tamen naira patei pi na sy; naibaly vum aneng khala kai ly khulym thui iy, kai ai hengra pei nai keung Tameuh teng y chiu kasa pajau ai.

⁹“Nang ly ati mana nai kai ai tami vui lawh mo? Ati mana nai kai ly paleung ka-echi i, pahyp y naimy ana nai avum lawh mo?,” nanai kai ai ama hai nai keung Tameuh teng y katakeng bo.

¹⁰Kai i paleung ka-echi my, “Nang i Tameuh ly ma y mo?,” nanai kai ai avawvawirei angdeng i, nichi mei aniu y nai molam y, kai ly khri pa-rei paleung phra atho di bo.

¹¹Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.