Read Khumi Chin SAM 49 Bible Online

SAM 49 - Khumi Chin bible

SAM 49

¹[48] Khumi bawibawichi awi, hini leu tangai u! tahm asang nai hawi tahm anem nai,

²kamawn hawi kanang patleh takhra y nai, meingtym tleirei y awm nai khumi bawibawichi awi, tangai u.

³Kai ly hawihai palai adawn pasum ai; cheng naira hawi amlau nai leuchi katheu ai.

⁴Kai ly thui achi nai leuchi ai kano patheung iy, adawn pasym ai; hunichi i awm nai saichi ai taro beu naimy thui pachai pi ai.

⁵Khumi hawi y nai paleung ka-echi ly kai ai ang taki meuh nai khala y, kai ly rai naira avum i py, jei hyn ai ny y.

⁶Nichi ly mychi i yhmtheaung katui ai a-ym nai khumichi, nang chawn naira y amlyh nai khumichi ne.

⁷Khumi ly mana khala py amymy ai atleu pajau y; amy i hengra vang kateng ai Tameuh teng y pei teang pajau y.

⁸Ati mana nai mo nabaly khumi i hengra vang ly khri pa-rei vang teng parai nai deaungkho y ne. Ni ly mana khala py hengra vang pei pajau y nai deaungkho y ne.

⁹Ati mana nai y deungtasarei heng naimy awm pajau ai mo? Ati mana nai y tapreaung angawm theung y tlo y nai awm pajau ai mo?

¹⁰Khumi kachengchi py, akhum iy katau by y naichi py, dei nai lam y en vui pajau y, nanai ami mi py pany pajau nai ne. Nichi bawibawi ly mychi i yhmtheaung katuichi ai katu chanauchi i vui khai pi ai tla nai ne.

¹¹Vaichi khala nichi ly khaileaung peang nai keungchi ne lawh teu i py, vai i neng y ly tapreaung angawmchira naini, huni khumichi awm jojo ai nai deungtasarei yhmchi lawm bo.

¹²Khumi ly nang chawn nai y khaw nai ny y leang; ni ly tawnbawichi kamta dei teang ai.

¹³Amymychi ai a-ym nai khumichi, amymychi nang chawn nai hawi, paleung tuinem naichi i khym taham ly khen u.

¹⁴Nichi ly beramchi kamta dei u ai nai ne. Deira ly nichi i beram typ keung lawm ai. Nichi i tlang ly mychi i yhm hawi palo parai nai tavau pri y kra y naimy veaung tlawn nai khala, khumi kahawichi ly nichi ai pajau u ai.

¹⁵Na i py Tameuh ly kai ai atleu ai; deira areng kiu i nai kai ai atleu ai.

¹⁶Khumi leaungrei ly nang chawn iy, ni i yhmtheaung katui py nawi tleaung nawira nai khala, nang ly paleung hawi y nai awm mo?

¹⁷Ni ly dei nai khala y huni yhmtheaung katui syn jo thai y; Huni yhmtheaung katui ly ni hawi vanrei tapreaung angawm theung y abang thai nai ny y.

¹⁸Khumi ly my i deung y paleung tuinem iy, my i eaung naira molam y palo naira avum teu i py,

¹⁹dei nai khala ly amsi pajochi awm nai deungtasa meingtym mang y chei ai nai tla ai.

²⁰Khumi ly nang chawn teu i py, tawnbawichi kamta dei teang ai.