Read Khumi Chin SAM 53 Bible Online

SAM 53 - Khumi Chin bible

SAM 53

¹[52] Khumi ka-khumchi my, “Tameuh by y,” nanai dawn iy athang khai u. Nichi bawibawi ly jawi tamang u iy, amso ngai naichi sa u; kateng sa nai khumi leaungrei py by y.

²Tameuh ly khumi kachengchi, mymy ai chiu nai khumichi awm mo, by y mo, nanai pany pajau ai nai kani pri mang dengdairei khumichi ai khen nai ne.

³Na i py khumichi ly mymy ai nithun thun u be bo; nichi bawibawi py, hawi y sa ai nai adyh u. Nichi theung y kateng sa nai khumi by y; leaungrei py by y nai ne.

⁴Tameuh my, “Nichi ly pany pacha y nai khumichi lawh a? Hini khumi hawi y naichi ly pany thai naira by y naichi lawh a? Nichi ly kai i khumichi teng i lawm iy, heng u naichi ne. Kai teng y py chiu so u y,” nanai leu pei bo.

⁵Na i py Tameuh ly mymy i khumichi i paleung ka-echi i hiuchi ai ahei hai pawn ai i, nichi ly tlenrei py avum vai y nai ka-jeirachi hawi khri pa-rei jei hyn u ai. Tameuh ly nichi ai khai su bo i, Israela chengchi ly pajau u vui ai.

⁶Israela chengchi ai atleu nai pahenra ly Zion mawi dengdairei theu hai ai nai, kai ly paleung apei parai naimy chiu kasa bo. Tameuh ly Israela chengchi ai nang chawn hai ali teang nai khala, nichi ly khri pa-rei amo theu u ai.