Read Khumi Chin SAM 92 Bible Online

SAM 92 - Khumi Chin bible

SAM 92

¹[91] Aw ARENG, nang teng y kawn nai leu thui nai py, tahm asang keh nai Tameuh, nang i nang parai nai ai palo nai khulym thui nai py,

²tangai hawi parai nai taro katyn hawi vanrei, vui tai nai katyn kapau beu nai katynchi hawi,

³khawn tleirei nang i khaw parai nai tamen naira amthang hai iy, dym tleirei nang i ka-ym awm nai sai thai hai nai py, amlau parai nai ne.

⁴Aw ARENG, nang i lyh ai hawi parai nai sa nai saichi ly kai ai amo theu hai bo; nang i sa nai leaungsaichi molam y, kai ly amo theu parai naimy khulym thui nai ne.

⁵Aw ARENG, nang i sa nai leaungsaichi ly khri pa-rei lyh parai na a! nang i dawn nai saichi py thiu parai na!

⁶Khumi ka-khumchi pany pajau y naira, cheng naira by y nai khumichi pany thai y naira, harei awm.

⁷Huni ly khumi aso y naichi acha keungchi kamta sai-eung iy, kahawi so y nai khumichi nang chawn u teu i py, huni khumichi ly myn kang naira avum u ai.

⁸Ati mana nai mo nabaly, ARENG ne nai aly peang naira asang keh nai keung ne nai deaungkho y ne.

⁹Nang i paleung ka-echi ly dei u ai, nanai py, khumi aso y nai bawibawichi ly sum u ai, nanai py, kaichi pany nai ne.

¹⁰Nang ly kai ai salen katai kamta atho awm hai bo; nang ly kai ai amo theu ai nai amtheaung naira pei nai ne.

¹¹Kai ly paleung ka-echi sum nai niu; khumi aso y naichi vo nai py thai.

¹²Khumi kahawichi ly chamleaung keungchi kamta, apu parai naimy awm ai; nichi ly Lebanon mawi i saitleang keungchi kamta, achaw angvai ai.

¹³Nichi ly ARENG i yhm y ui iy, achi i Tameuh i Achura yhm y angvai nai dengkeaung keungchi hawi atawm.

¹⁴Huni dengkeaung keungchi ly keung reng teu i malawn py, athaichi athai iy apu parai naimy khaw jojo nai ne.

¹⁵Hini ly ARENG ly lei meitang ne, nanai py, kai ai ama hai nai keung ly hawi angym, nanai py pany hai bo.