Read Khumi Chin LEU KACHENG 22 Bible Online

LEU KACHENG 22 - Khumi Chin bible

LEU KACHENG 22

¹Nang ly tahm asang naira hawi yhmtheaung katui nang naira theung i, tahm asang naira ai vawi takhra ai nai avo.

²Khumi kanang hawi khumi kamawn nini teng y, atawm nai sai harei awm. Huni ly nini leaung nyhrei ai, ARENG my sa nai ne.

³Tau cheng naira awm nai khumichi ly mychi patang naira avum ai nai niu yb veng nai deaungkho y, asyn vui thai nai ne. Tau cheng naira by y nai khumichi ly patang naira hawi apadawi-ra i, uikheih u bo.

⁴ARENG ai jei kaji iy paleung apanem reng nai khumi ly nang chawn ai; tahm awm iy heng sau ai.

⁵Khumi hawi y naichi i lam ly deaungchi hawi humchi awm ma mang nai ne. Tau cheng nai khumi ly hunichi ai en vui ai.

⁶Deaungdi teng y ati mana heng ai nai tla mo, nanai patiu pi ba. Hunaibaly ni ly mymy deungrei, thui parip naichi ai tami ai ny y.

⁷Khumi kamawnchi ly khumi kanangchi i, miseaungchi lawm u bo. Tangka alai nai khumi ly paseng nai keung i miseaung lawm nai ne.

⁸Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

⁹Pasai y nai paleung hawi khumi kamawnchi ai pacho panei nai khumi ly amtheaung naira nga ai.

¹⁰Paleung asang nai khumi ai ly paleang vui. Hunaibaly leu a-ei nai, ajo athui nai, josei naichi awm ai ny y.

¹¹Paleung chai iy, leu kateng katheu reng nai khumi hawi, samrang ly ahawi kamrawi asa ai.

¹²ARENG ly leu ka-chawi ai taphra pawn iy, ka-ym awm nai leu ai ly khaw hai nai ne.

¹³Khumi napjang ly yhm angtheung y aeung reng. Ni ly yhm angam mang y theu baly khrangsi my kei ai, nanai thui nai ne.

¹⁴Ami i aju chanau ai taphra nai ly deaung pateung nai ne. Huni ly ARENG my kado theu hai nai khumichi ai man nai ne.

¹⁵Deaungdichi i awm kari ly awm ngaulau nai, tamang naichi sa u reng nai ne. Na i py khyh pakhau iy parip baly, nichi i amhi amtlau nai sai hawiryh hawiryh ai.

¹⁶Khumi kanangchi ai langseaung pei nai khumi, ti y baly amy i nang chawn ai nai molam y, khumi kamawnchi ai ana nai khumi ly mymy py kamawn acheangryh acheangryh ai.

¹⁷Tangai cham, khumi kachengchi i thui nai leu kang patiu pi ai. Nichi i patiu pi nai leuchi ai amtiu ba.

¹⁸Hunichi ai dawn patyp iy avawrei thui thai baly, nang i paleung amo theu naira nga ai.

¹⁹Nang ly ARENG ai ym ai nai, kai ly ngai hai nai deaungkho y, vai, huni parip nai leuchi kang thui pi ai.

²⁰Nang i vui thui achi nai leu sai phairei, kang tajiu pi typ bo. Huni leuchi ly tau cheng naira py, tau kahawichi py kawi angym iy,

²¹ka-ym awm nai leu tatang napi nai ly ati mo, nanai nang ai patiu pi ai. Huni ka-ym awm nai leu hau ai nai pato naichi teng y, nang ly leu kateng pathang pi thai ai.

²²Khumi kamawn i kamawn nai molam y, ni i vawnsai lawm moh. Tara jeung y jeaungmang nai khumi ai ano moh.

²³ARENG ly nichi i mang y asa hai ai. Nichi i heng nai ai pajei pahyn nai khumichi ai ARENG my pajei pahyn teang ai.

²⁴Kado theu nai am-yh pajau y nai khumichi hawi, kamrawi aso moh.

²⁵Nangmy py nichi i hawi y naichi nga iy, atli su thai y ai.

²⁶Khumi takhra i kalum kalai pe pi ai nai kham pi moh.

²⁷Nang pe pajau y lawh baly, nichi ly nang i ira malawn py ang la pi vui ai.

²⁸Nang i amsi pajochi my, cheaung pi nai khujyh kangngym ly kasyh vui moh.

²⁹Amy i kalop ra y kawp hawihai nai khumi ly samrang teng y kalop sa ai nai nga ai. Khumichi i kalop ai sa pi ai ny y.