Read Khumi Chin Solomon i khulym 2 Bible Online

Solomon i khulym 2 - Khumi Chin bible

Solomon i khulym 2

¹Kai ly Sharon adym ra prau nai daichi kaseaung pau hawi, mawi leaunghawira y prau nai jeupawm pau ne.

²Kai i khrei nai khumi ly neampachychi sala, aleng reaung y prau nai jeupawm pau hawi atawm nai ne.

³Kai i khrei keh nai ai takhra neampachochi hawi pata cham baly, ni ly daichi thengreung theung i dengkeaung keungchi sala y prau nai apple keung hawi atawm. Kai ly ni i ka-khui anui y anawn ai nai nga; huni i athai kacha i, tui parai nai ne.

⁴Ni ly kai ai mymy i cha nei pawi pui sa nai hall mang y ang pahawi i, kai ai khrei nai paleung hawi ang khiu cheng bo.

⁵Kai ly khrei nai paleung molam y atho bai na bo! Kai ai kreip athai kajeichi pacho iy atho pei ba. Apple athaichi pacho iy atho kangtha ngo hai bo.

⁶Ni ly mymy i langvawi kiuban tleaung y lu tleang hai iy lamtang kiu hawi kai ai takawi bo.

⁷Jerusalem mary i neampachychi awi, nangchi ly kaini i akhrei nai paka ai ny y, nanai leu adeu u; angpreng rang nai sisiu sikhichi ai tau iy vaineng abeu u bo.

⁸Kai ly khrei nai keung i raawi thai bo. Ni ly mawi katheang kalenchi kan iy kai teng y ang jeu bo.

⁹Kai i khrei nai keung ly sakhi hawi mo, sisiu kataichy hawi mo atawm nai ne. Ni ly angpang sahawi y angdo. Naibaly thaibeng pa-khochi mang py, amhi mawi sala mang py kai ai khen nai ne.

¹⁰Kai i khrei nai keung my kai ai thui nai ly kai i khrei nai awi, jeu jau ba, kai i khrei nai keung awi, kai hawi vanrei jeu jau ba.

¹¹Kaseih neng khei bo i, kani py nai y leang bo;

¹²daichi jeungrei y kaseaungchi pau bo. Hini neng ly tavo pajuchi kheaung nai neng ne i, li hlauchira y amprym buhu kheaung nai raawi thai.

¹³Thaidu athaichi myn amteaung bo; kreip pauchi py mui amseaung na bo. Hunai deaungkho y kai i khrei nai awi, kai hawi vanrei jeu jau ba.

¹⁴Nang ly lengseaung sala y abyh nai amprym buhu hawi atawm. Khrei ai hawi parai nai nang i meimai khen kyh rai si; raawi kahawi tangai kyh rai si.

¹⁵Pauchi amthym mang nai ani i kreip akho y khivachi hawi, khivachochi my taphra y rai khala y nichi ai patiu ba.

¹⁶Kai i khrei nai ai ly kaimy peang; kai ai py ni my ang peang teang.

¹⁷Ni ly khawn mang ali theu pryn iy kaveng tama nai neng tym pa-rei, mymy i beram kanghuchi ai jeupawm reaung y sui tla hai bo. Kai i khrei nai nang ly sakhi katai kamta py, Bether mawichi[1]salo i sisiu kataichy kamta py, jeu ali teang ba.