Read Khumi Chin ISAIA 12 Bible Online

ISAIA 12 - Khumi Chin bible

ISAIA 12

¹Khumichi my hina nai palo nai neng kani tym ai, “Aw ARENG, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

²Tameuh ly kai i atleu keung ne; kai ly mymy ai jei y naimy ym ai. ARENG ly kai ai sa thai naira hawi atho pei nai keung ne. Mymy ly kai i atleu keung ne.

³Tui kachai ly tui ahai nai khumichi ai amo theu hai nai kamta, Tameuh i khumichi ly mymy atleu pi nai khala, amo theu ai.”

⁴Khumichi my hina nai palo nai neng kani tym ai, “ARENG ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

⁵Mymy i sa nai nang parai naichi molam y, ARENG nang parai nai ai palo u. Khaileaung pri i khumi bawibawichi teng y, huni satang thui pi u.

⁶Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”