Read Khumi Chin ISAIA 35 Bible Online

ISAIA 35 - Khumi Chin bible

ISAIA 35

¹Daichi ka-vym ly amo theu ai; khaileaung khutachira y kaseaung pau ai.

²Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly ARENG i nang parai nai ai py, mymy i sa thai naira phum-ang py niu u ai.

³Atho bai nai kiuchi py, atho di ahyn nai kheukhuchi py, atho pei pi ai

⁴Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

⁵Mei kamjuchi ly mei angvang u ai. Kano kapangchi py kano ha u ai.

⁶Kheu kangbaichi ly achaw u ai; leu ka-achi py amo theu naimy aeu u ai. Daichi ka-vymra y tuino achawn iy, micheaung tui leaung ai.

⁷Kabi ango parai nai speungchi ly tui sampum lawm iy, khutaha khaileaung py tuikhochi kawi mang naimy awm ai. Khivachi tlai reng nai meingtym y speung samji keung hawi japang uipo keungchi prau ai.

⁸Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

⁹Huni meingtym y mani khrangsi py awm ai ny y; Huni meingtym mang y mani mawi kasichi py, jeu ai nai nga ai ny y. ARENG my atleu nai khumichi ly huni lam mang mychi i avang saleaung y vawi ai nai nga u ai.

¹⁰Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.