Read Khumi Chin ISAIA 52 Bible Online

ISAIA 52 - Khumi Chin bible

ISAIA 52

¹Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

²Aw Jerusalem mary! Nangmy my ai atho sa iy, law tleaung ai nai so. Spryh theung i nai ang thau iy, nangmy i areng atehra y ateh ba! Langheng y hawi nai Zion mary i khumichi awi! nangchi ai ang kawm nai sengkrychi su u pawn jau.

³ARENG my mymy i khumichi teng y, “Nangchi ai tangka hawi jo y teu i py, miseaung lawm u bo. Hunai kamta ly nangchi ai atleu nai py, vang tla ai ny y. Nangchi ly jawm naimy law tleaung naira nga u ai.

⁴Tlenrei khala nangchi ly nangmychi ngai nai kamta Aikupta pri y cheng takhra khumichi amlawn iy awm u nai ne. Naibaly Asuria chengchi my, nangchi ai atyhtyh naimy ana u.

⁵ARENG my vai, Babulon pri y py hina nai kamta tym hai nai ne. Nangchi ly huni pri y ati sai py ny y pui naimy, langheng hawi naichi lawm u bo. Nangchi ai peang nai keungchi ly panui hai iy, kai i amyn y avawrei mei aniu y nai sa u, nanai thui.

⁶Na i py kai ly Tameuh ne, nanai kai i khumichi ly kai i amyn pany iy, nangchi teng y leu pei nai keung ly kai ne, nanai kangkhym y nangchi pany u ai.

⁷Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

⁸Mary typ nai risachi ly tao pajeng parai nai hawi amo theu parai naimy vanrei aeu u sau bo. ARENG ly Zion mary y ang jeu ali teang ai, nanai nichi kypkyp my niu u nai ne.

⁹Jerusalem mary i phra seaungkhrang nai yhm hlauchi awi! Amotheu naimy aeu u. ARENG ly mymy i khumichi ai awm hai nem bo. Mymy ly Jerusalem mary ai atleu bo.

¹⁰ARENG ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

¹¹Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi[16] ai kiu hawi py, abi u dei moh. Nangmychi ai apachai iy, mary i nai theu u.

¹²Hini tlenrei ly nangchi theu awn ai nai, aly ngai ai ny y. Nangchi ly preang ai nai atho sa u ai nai aly ngai y. Israela chengchi i ARENG Tameuh ly nangchi ai pahawi iy, ati cheaungkhangra ama hai ai.

¹³ARENG my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

¹⁴Khumichi ly ni ai niu nai khala y, phailo seaung u bo. Ni ly khri pa-rei mo-cha phra nai deaungkho y, khumi hawi py atawm y na bo.

¹⁵Na i py vai, ni ly khumi cheng cheaungkhangchi ai chai hai ai. Samrangchi py mynkym u ai. Nichi ly mana khala py pany vai y nai hawi thai vai y naichi niu iy, pany u thai ai,” napi.