Read Khumi Chin ISAIA 53 Bible Online

ISAIA 53 - Khumi Chin bible

ISAIA 53

¹Khumi mipuichi my, “Vai, kaichi my thui pi nai satang ai ami my ym ai mo? Hinira i ARENG i kupe lasa, ami my niu pajau ai mo?

²ARENG ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

³Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

⁴“Na i py ni ly kaichi avum ai ataing nai ngari kamtang py, kaichi avum ai ataing nai no kamtang py avum bo. Huna nai ni i avum nai no kamtang ly ARENG my ni ai pajeng nai ne, nanai kaichi dawn u nai ne.

⁵Na i py achi i kamngo molam y, no pei nai tamo kalemchi nga iy, achi i hawi y sa nai molam y khyh pakhau nai avum nai ne. Ni ly huna nai kamngo pajeng nai kham pi nai deaungkho y, achi ly kamngo lawira nga bo. Ni i nga nai tamo kalem saho y, achi ly no hawi naira nga nai ne.

⁶Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y ARENG ly achi hawi ataing nai pajeng naira ly ni i tlang tleaung y tym hai bo.

⁷“Ni ly pahyp y naimy ana naira avum teu i py, ni ly leu sairei py katheu y. Ni ly tleh ai nai pahawi nai beramcho kamta py, mui vau en nai beram kamta py, paleung apanem parai naimy kham nai ne.

⁸Khumichi ly ni ai patiu iy, padei ai nai leu pacheang bo. Naibaly padei ai nai pahawi; na i py ni i avum ai nai khym taham ai ly ami py dawndan pi y. Ni ly achi khumichi i kamngochi deaungkho y, padei naira avum nai ne.

⁹Ni ly hawi y naira sairei py sa tamang nai by y. Ka-chawi py thui vai y. Na i py ni ly achi khumichi i kamngo deaungkho y, padei nai avum iy, khumi kamngo hawi vanrei pavum nai py, khumi kanang hawi vanrei up nai py, avum nai ne.”

¹⁰ARENG my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

¹¹Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

¹²Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.