Read Khumi Chin ISAIA 56 Bible Online

ISAIA 56 - Khumi Chin bible

ISAIA 56

¹ARENG my mymy i khumichi teng y, “Kai ly kra y naimy nichi ai atleu ai. Hunai deaungkho y nangchi ly hawi naira hawi, adyh adawi naira so u.

²Anawn kani ai pasum atyhtyh y naimy, dawn ryhpatyh naichi hawi, ati sai py kamngo so y nai khumichi ai ly amtheaung hai ai,” napi.

³ARENG i khumichi theung y abawi nai cheng takhra khumi leaungrei my, “Kai teng y ARENG ly mymy i khumichi hawi vanrei chiu ai nai pei ai ny y,” nanai thui ai nai avo y. Tli chum nai khumi leaungrei my py, kai ly cho chanau ngo thai y nai deaungkho y, Tameuh i khumichi theung y abawi pajau y, nanai mana khala py thui ngau y.

⁴ARENG my nichi teng y, “Nangchi ly anawn kani ai patawm nai, kai i kangai kalopchi sa iy, kai i leu maikawm y ka-ym awm u ai na lawh teu baly,

⁵kai teng i dengdairei cho chanauchi tleaung y hawi keh nai amtheaung naira nga u ai. Kai i Achura yhm y py, kai i khumichi theung y py, tami pajau y nai amyn nga ai. Khumichi ly nangchi ai mana khala py tami ai ny y,” napi.

⁶Naibaly mymy i khumichi lawm u nai, mymy ai tamen iy kalop sa naimy chiu u nai, anawn kani y taphra y ai nai kry iy, leu maikawm y ka-ym awm nai cheng takhra khumichi teng y,

⁷“Kai ly kaimy i chai parai nai mawi mang y, nangchi ai pahawi ai. Kai ai chiu nai yhm y nangchi ly amo theu naira nga u ai. Kai i maichamra y nangchi i talam nai leng patlum nai kapathyprachi kakawn pi ai. Kai i Achura yhm ai khumi cheng cheaungkhangchi my chiu sa nai yhm, nanai palau u ai,” napi.

⁸Mymy i khumichi ai pri pala naira i dengdairei, mychi i pri y palau ali teang nai ARENG ly takhra khumichi ai py, huni khumichi hawi vanrei amkawm iy awm ai nai pahawi ai.

⁹ARENG ly cheng takhra khumichi ai mawi kasi kamta jeu ai nai palau iy, mymy i khumichi ai tleh hai bo.

¹⁰Mymy ly “Kai i khumichi teng y pany hai yb ai avo nai khumichi napi nai, lu sa nai keungchi ly mei paju u pawn bo! Nichi ly ati sai py pany u y. Nang si y nai yhm typ uichi hawi atawm. Nichi ly i ham ala nai khumichi ne u lawh ly!

¹¹Nichi ly cha nai paleung anyp pajau y, ngai ala nai uichi hawi atawm. Nichi ly ati sai py ka-dawn by y nai lu sa naichi ne. Mychi kangai sa akyhkyh iy, amy i vui y kamran hau u khyh naichi ne.

¹²Hini nei cha ala naichi my, ‘Jeu u, achi ly kreip hang la iy nei u tleaungleaung sina. Khawndam ly vaini tleaung y hawi keh ai,’ nanai pavui tapai naichi ly thui u nai ne.