Read Khumi Chin ISAIA 59 Bible Online

ISAIA 59 - Khumi Chin bible

ISAIA 59

¹ARENG ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

²Mymy thai y nai ly nangchi i kamngo nai deaungkho y teu. Nangchi ai Tameuh hawi taprei hai nai py, nangchi i kamngo my ne. Nangchi ly mymy ai chiu ai nai dawn nai khala y, Tameuh hawi nangchi ai taprei nai ly nangmychi i sa nai kamngo my ne.

³Nangchi ly ka-chawi leu katheu nai, nangchi i kiuchi hawi kiu pajeungchira y thi abawi nai, khumi ai tleh nai, hunichi molam y kamngo awm u nai ne.

⁴Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

⁵Nangchi i hawi y nai ka-dawnchi ly pavui kangso kaduichi kamta peung hai bo! Harei ai taphra baly paviu kangso harei khei lawh ly! Nangchi i dawn tau naichi ly nangmychi ai kahawi pei y leang. Hunichi ly khanglosanghang i khai hawi aneng nai ateaung kamta atyhtyh teu na a! Nangchi i aneng nai ly chymme naira pei pajau y, hawi y iy khrukhra nai kalopchi sa u nai ne!

⁷Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

⁸Nangchi tym u nai thym khala py, ami py awmnem naira by y. Nangchi i sa nai kalop ngiereichi ly kateng lam ny y. Nangchi ly lam ka-kawi mang y tako u reng. Huni lam y tako nai ngiereichi ly mana khala py, awmnem naira awm ai ny y.

⁹Khumichi my, “Tameuh ly achi ai ana nai khumichi kiu i nai, ati mana nai y atleu y lawh mo, nanai vai, achi pany bo. Achi ly amychi tako ai nai lam i vui y, kangvang ai kadeaung teu i py, kaveng naini avum u ra khyh.

¹⁰Achi ly mei kamjuchi kamta, pathang meimang iy tako u nai ne. Achi ly kanithun tang y malawn py vum y kamta, pathuikhe iy avah u bo. No-na by y nai khumichi i sala y kaichi ly veng pam nai tavau pri y tym nai kamta ne.

¹¹Kaichi ly jei hyn naimy paleung mawn naira avum u nai ne. Kaimychi ai ana naichi kiu i nai atleu ai nai, Tameuh ai kadeaung u teu i py, khri pa-rei akhan na i, atyhtyh teu bo.

¹²“Aw ARENG, nang i tlang tleaung y kaichi i sa tamang nai kamngochi ly nawi parai nai ne. Huni kamngochi my kaichi ai neng hai nai deaungkho y, kaichi ly kaimychi i kamngochi hawihai palai apany u bo.

¹³Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

¹⁴Adyh adawi naira ly kamlo y paryh nai avum iy, kateng lam py sahawi y ahai pajau y. Tara chih nai meingtymchira y kateng lam by y. Ka-ym awm naira ly khaw pajau y.

¹⁵Huni meingtym y khumi kahawi ly di parai nai deaungkho y, hawi y naira ai en vui nai khumichi py hawi y naira avum u lawh bo.” Hina naichi niu nai deaungkho y, ARENG ly adyh adawi naira by y nai ai niu ngai y.

¹⁶Ana naira avum nai khumichi ai atleu ai nai khumi by y nai py niu i, lyh parai nai ne. Hunai deaungkho y mymy ly nichi ai sa thai naira hawi atleu iy, mymy i hawi nai saho y eaung naira nga u ai.

¹⁷Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

¹⁸Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

¹⁹Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

²⁰ARENG ly mymy i khumichi teng y, “Kai ly kamngochira i uikheih nai Israela cheng bawibawichi ai atleu ai nai, Jerusalem mary y kangjeu ai.

²¹Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.