Read Khumi Chin Levi 11 Bible Online

Levi 11 - Khumi Chin bible

Levi 11

¹ARENG ly Mosi nini Aron teng y,

²Israela khumichi i vui reitachi pei bi nai ly nangchi ly kacheng i mawichi theung y,

³muiken ako iy pichy palawi nai tawnbawi mawi cha pajau.

⁴Na i py kula-iu, sapautavui hawi jeungchi ly cho ngau y. Hunichi ly pichy palawi i py muiken ako y nai deaungkho y chai y nai mawichi ne.

⁷Eu mawi py cho ngau y, euchi ly muiken ako i py pichy palawi teang y nai deaungkho y chai y, nanai pany ai tla.

⁸Nangchi ly huni tawnbawi mawichi cho u moh; kadei veu ai malawn py abi u moh; hunichi ly chai y, nanai pany ai nai tla.

⁹Nangchi ly kachyh hawi alih awm nai ngochi cha pajau;

¹⁰na i py cho ngau y nai ly kachyh hawi alih by y nai tui theung i heng nai mawichi ne.

¹¹Huni heng nai amjychi ly chai y, nanai dawn ai tla. Huni amjychi cho u moh; kadei veu ai malawn py abi u moh.

¹²Kachyh hawi alih py by y nai tui theung i heng nai amjy ngiereichi cho u moh.

¹³Nangchi ly hini tavo amjychi py cho u moh; ahmtlauchi, tengtumchi, beaungkuchi, amhm puichi, langnachi, o-achi, tavo kula-iuchi, zenjawchi, obeaungchi, obeaung asangchi, tuisakreuchi, tuilymchi, uithawchi, phanglauchi ne;

²⁰Ampyh iy mipo ny y naimy, pakhi awm nai mipo bawibawichi ly chai y.

²²Nangchi ly akhutama hawi teaungryh ly cha pajau.

²³Na i py pakhi awm iy ava nai ngiereichi ly chai y, nanai dawn ai nai tla.

²⁴Nang ly hini tawnbawi veuchi ai abi lawh baly, dym mang y khrairei chai y ai, muiken ako iy pichy palawi nai ny y naimy, takhra muiken awm nai tawnbawi ngiereichi hawi, kiu hawi patiu thai nai kiu kheu palyhrei awm naichi ne. Huni tawnbawi kadei veuchi syn nai khumi ly my i ateaung baichuchi pasiu vui ai nai tla. Na i py ni ly dym mang y khrairei chai y nai my awm ai.

²⁹Thangbuichi, pajuchi, paju siseichi, apangbyhthlichi py chai y nanai dawn ai nai tla.

³¹Huni heng nai amjychi ai py ne sy, huni kadei veu ai py ne sy, abi lawh nai khumi ly dym mang y khrairei chai y nai ne.

³²Dengkeaung, ateaung, mawi peih, paisiu, hunichi hawi sa nai mani mo ateaung alangchira y, huni heng nai amjy kadei veuchi tla hai lawh baly, chai y nanai dawn ai nai tla. Huna nai amso ngai nai ateaungchi ai, tui y padeung ai nai tla. Na i py huni ateaungchi ly dym mang khrairei chai y ai.

³³Kadei veuchi alai laawm theung y tla lawh baly, huni laawm theung y awm nai ngierei py, amso ngai nai deaungkho y, laawm pakawi veng ai nai tla.

³⁴Chai y nai huni laawmra i tui ly teicha teinei theung y tla lawh baly, huni teicha teinei py chai y nai ne. Huni laawmra i tui py cha y ai.

³⁵Alai khaileaung hawi sa nai takeang, ti y baly tako paawp nai takeang tleaung y, huni kadei veuchi tla lawh baly, huni takeang hawi tako paawp nai takeang ly chai y i, taphra ai nai tla.

³⁶Na i py tui sampum, ti y baly tuikan theung y kadeu veu tla baly, huni tui ly amso ngai y leang. Huni kadei veu hawi abi naichi naini amso ngai khyh nai ne.

³⁷Hei ai nai ti salo y kadei veu tla lawh baly, huni ti ly amso ngai y leang.

³⁸Na i py tui padeung yb nai ti salo y, kadei veu tla lawh baly, huni ti ly chai y nai ne.

³⁹Cha ngau nai tawnbawi dei iy, huni kadei veu ai abi nai khumi ly dym mang y khrairei chai y nai ne.

⁴⁰Huni kadei veu ai cha nai khumi ly my i ateaung pasiu pan ai nai tla. Ni ly dym mang khrairei chai y ai. Huni kadei veu ai syn nai khumi ly my i ateaung pasiu pan ai nai tla. Na i py ni ly dym mang khrairei chai y ai.

⁴¹Khaileaung tleaung y avah nai, ti y baly kheu palyhrei awm nai, ti y baly kheu palyh tleaung y nawi nai heng nai amjy katheangchi ly nangchi cha ai nai tlo y.

⁴³Huni heng nai amjychi ai cha iy nangmychi ai chai y ai nai so moh.

⁴⁴Kai ly nangchi i ARENG Tameuh ne; kai ly kachai ne i, nangchi py chai ai nai tla.

⁴⁵Kai ly nangchi i Tameuh lawm ai nai nangchi ai Aikupta pri i dengdairei pahawi nai keung ARENG ne. Kai ly kachai ne i nangchi py chai ai nai tla.

⁴⁶Hini reita ly tawnbawichi hawi tavochi, tui theung y heng nai amjy, kacheng y heng nai amjychi i vui reita leu pei nai ne.

⁴⁷Nangchi ly reita y chai iy cha ngau nai tawnbawi hawi, chai y iy cho ngau y nai tawnbawichi ai khawilang thai ai nai tla.