Read Khumi Chin Levi 15 Bible Online

Levi 15 - Khumi Chin bible

Levi 15

¹ARENG ly Mosi nini Aron teng y,

²Israela khumichi i vui teaung ai nai reitachi pei pi bo. Neampacho leaung leaungrei ly ni i taheaungra y katli leaung sup nai ang vawi man nai mo,

³ang vawi hawi chum nai bo y mo, apachai y rai baly chai y nai ne.

⁴Huni khumi ateh nai ira, ti y baly aseaung nai nibai py chai y.

⁵Khumi leaung leaungrei ly ni i aseaung nai nibai y abi lawh baly,

⁶ni i ateh lawi y abi lawh baly, my i ateaungchi pasiu iy tui ahiu pan ai nai tla; ni ly dym mang y khrairei chai y ai.

⁷Angvawi hawi y nai man nai khumi ai abi nai khumi ly my i ateaungchi pasiu iy tui ahiu pan ai nai tla; ni ly dym mang y khrairei chai y ai.

⁸Huni taheaungra y katli leaung sup nai khumi ly reita leaungsai y chai nai khumi i tlang tleaung y pachi pathawi lawh baly, pachi amthawi chawm nai khumi ly mymy i ateaungchi pasiu iy tui ahiu pan vui ai nai tla; ni ly dym mang y khrairei chai y naimy awm ai.

⁹Taheaungra y ang vawi hawi y man nai khumi ateh nai keaungngo atang nai nibai, ti y baly ni i ateh naira ly chai y nai ne.

¹⁰Huni khumi i ateh nai atehra ai nam nai khumi ly dym mang y khrairei chai y ai. Huni khumi i vawnsai ateaung ai syn nai khumi ly my i ateaungchi pasiu iy tui ahiu pan ai nai tla; ni ly dym mang y khrairei chai y naimy awm ai.

¹¹Huni ang vawi man nai khumi ly kiu asi pan y naimy takhra khumi leaungrei ai nam lawh baly, nam amteng nai khumi ly ateaungchi pasiu iy tui ahiu pan vui ai nai tla; ni ly dym mang y khrairei chai y naimy awm ai.

¹²Huni ang vawi awm nai khumi my nam nai alai laawm ai ly pakawi veng ai nai la; dengkeaung hawi sa nai laawm ai nam lawh baly, hawi hai palai paju pan ai nai tla.

¹³Huni khumi ly ang vawi man nai hawi nai bo y, kani saryhrei ajeng ai nai tla; huni bo y ateaungchi pasiu iy tui kachai hawi ahiu pan ai nai tla; naibaly ni ly reita y chai naira nga bo.

¹⁴Tajarei kani y ni ly yhm buhu bomrei, ti y baly amprym buhu bomrei ai, ARENG i awmra Tabynako katheu pa-kho mang y syn iy pathyp pi nai keung teng y au ai nai tla.

¹⁵Pathyp pi nai keung ly kamngo pahen nai kapathypra i vui tavo harei talam ai nai tla. Huna nai kamta pathyp pi nai keung ly huni khumi i vui kachai sa pi ai nai tla.

¹⁶Neampacho leaungrei ly atyhtyh naimy taheaung tui jui lawh baly, tlang verei tui ahiu pan vui ai nai tla; ni ly dym mang y khrairei chai y ai.

¹⁷Taheaung tui abawi nai ateaung, ti y baly mawipeih ateaung ly pasiu pan vui ai nai tla; huni ly dym mang y khrairei chai y ai.

¹⁸Neampacho hawi neampachy nini i ahawi pajau nai bo y, nini ly tui ahiu ai nai tla; nini ly dym mang y khrairei chai y ai.

¹⁹Neampachy ly tlangchai tym baly, ni ly kani saryh ryrei chai y nai ne; ni ai nam nai khumi ly dym mang y khrairei chai y ai.

²⁰Tlangchai tym nai thym khala, huni neampachy i ateh lawi, ti y baly aseaung nai nibai ly chai y nai ne.

²¹Huni neampachy i ateh nai lawi, ti y baly aseaung nai nibai y abi nai khumichi ly my i ateaungchi pasiu iy tui ahiu pan ai nai tla; ni ly dym mang y khrairei chai y ai.

²⁴Tlangchai tym nai neampachy ly chai y nai deaungkho y ni hawi ta-pui ta-chi apha nai neampacho py, kani saryhrei chai y ai; ni i aseaung nai nibai py chai y bo.

²⁵Neampachy leaungrei ly my i tlangchai awm nai neng ny y naimy neng kakra thi parawp nai mo, ti y baly my i tlangchai neng bo y py, thi parawp veangveang lawh baly, my i tlangchai kari tym nai kamta, chai y nai ne.

²⁶Tlangchai tym nai thym khala ni i ateh lawi, ti y baly aseaung nai nibai ly chai y nai ne.

²⁷Hunichi ai abi nai khumi ly chai y nai deaungkho y, my i ateaungchi pasiu iy tui ahiu pan ai nai tla; ni ly dym mang y khrairei chai y ai.

²⁸Neampachy ly thi parawp nai akyn nai bo y, kani saryhrei bo baly, reita leaungsai y chai ai.

²⁹Tajarei kani y ni ly yhm buhu bomrei, ti y baly amprym buhu bomrei ai ARENG i awmra Tabynako katheu pa-kho mang y syn iy, pathyp pi nai keung teng y au ai nai tla.

³⁰Pathyp pi nai keung ly kamngo pahen nai kapathypra i vui tavo harei, leng patlum nai kapathypra i vui takhra tavo harei talam ai nai tla. Huna nai kamta pathyp pi nai keung ly huni neampachy i vui kachai sa pi ai nai tla.

³¹ARENG ly tai naira umtang y awm nai Tabynako ai amso ngai hai y ai nai, Israela chengchi i vui Mosi teng y pany hai nai ne. Nichi ly Tabynako ai chai hai y lawh baly dei u takengkei ai.

³²Hini reitachi ly ang vawi hawi y nai man nai khumi, taheaung tui jui nai khumi,

³³tlangchai tym nai neampachy, reita leaungsai y chai y nai neampachy hawi ta-pui ta-chi apha nai neampachochi i vui y pei nai reitachi ne.