Read Khumi Chin Levi 3 Bible Online

Levi 3 - Khumi Chin bible

Levi 3

¹Khumi ami py mymy i si katai hawi leunghawi kapathypra talam ai na baly, huni si ly no-na by y nai si katai, ti y baly si nu ne ai nai tla.

²Huni khumi ly ARENG i awmra tabynako katheu pa-khora si katai i lu tleaung y kiu kheang iy, huni si tleh ai nai tla. Aron i chapochi napi nai pathyp pi nai keungchi ly tawnbawi i thi ai maicham makeng palyhreira katheng prei ai nai tla.

³Si takutara bam nai thau, pakawi seaungru hawi huni ai bam nai thau hawi pathym hawi keh nai phyreichi ai ARENG teng y talam ai nai tla.

⁵Pathyp pi nai keungchi ly hunichi ai, leng patlum naira hawi vanrei, maicham salo y leng patlum ai nai tla. Huni talam nai mui kahawi ly ARENG my kawn pi nai ne.

⁶Beram, ti y baly mi-i hawi leunghawi kapathypra talam ai na baly, no-na by y nai katai, ti y baly nu talam ai nai tla.

⁷Beram hawi apathyp nai khumi ly,

⁸Tabynako mo y beram i lu tleaung kiu kheang iy, huni beram ai tleh ai nai tla. Pathyp pi nai keungchi ly tawnbawi thi ai maicham makeng palyhreira katheng prei ai nai tla.

⁹Hunaibaly beram thau, tamai, takutachira i thau ngiereichi,

¹⁰pakawi seaungru hawi hunira i thau, pathymra i hawi keh nai phyreichi ai ARENG teng y talam ai nai tla.

¹¹Kalop amsi nai pathyp pi nai keung ly hunichi ai maicham salo y leng patlum ai nai tla.

¹²Mi-i hawi apathyp nai khumi ly,

¹³Tabynako mo y mi-i lu tleaung kiu kheang iy, huni mi-i ai tleh ai nai tla. Pathyp pi nai keungchi ly tawnbawi thi ai maicham makeng palyhreira katheng prei ai nai tla.

¹⁴Hunaibaly takutara y bam nai thau, pakawi seaungru hawi hunira i thau,

¹⁵pathymra i hawi keh nai phyreichi ai ARENG teng y talam ai nai tla.

¹⁶Pathyp pi nai keung ly hunichi ai maicham salo y leng patlum ai nai tla. Huni katalamra i mui kahawi ly ARENG my kawn pi nai ne; thau ngiereichi ly ARENG i vui ne.

¹⁷Israela chengchi ly thau py, thi py cho ngau y; meingtym tleirei y awm nai Israela cheng bawibawichi ly hini reita teaung patawm jojo ai nai tla.