Read Khumi Chin Levi 6 Bible Online

Levi 6 - Khumi Chin bible

Levi 6

¹ARENG my Mosi teng y anui mang i reitachi pei pi bo.

²Khumi ami py Israela cheng theung i leaungrei my ka-ym awm nai deaungkho y, au nai tangka pei ali teang ai nai akhi lawh nai mo, ni teng i vawnsai ha harei paviu vui nai mo, ti y baly ni ai li-tapawp nai mo sa lawh baly,

³ami i vawnsai tama vui nai ai niu i py niu y, nanai vaineng abeu iy ka-chawi thui lawh baly, ARENG i tlang theaung y tamang nai kamngo tla i, apathyp ai nai tla.

⁴Hunichi theung i sai sairei sa tamang nai khumi ly pei pi ali teang ai nai tla. Huni ly kamngo tla, nanai apany nai kani y, my i la vui nai tangka bo y yhmkeung teng y chungphy apomrei peh ai nai tla.

⁶Ni ly ARENG teng y talam ai nai kamngo pajeng nai kapathypra i vui beram katai, ti y baly mi-i katai harei pathyp pi nai keung teng y syn ai nai tla. Beram, ti y baly mi-i vang apani yb nai tangka talam ai nai tla.

⁷Naibaly pathyp pi nai keung my, huni khumi i kamngo molam pathyp pi nai deaungkho y, ni ly kamngo pahen naira nga ai.

⁸Naibaly ARENG ly leng patlum nai kapathypra molam, Mosi dengdairei Aron hawi ni i chapochi teng y leu pei pi bo. Leng patlum nai tawnbawi ly maicham salo y vumtorei khai ai nai tla. Maicham mai py angveaung aninau ai nai tla.

¹⁰Naibaly pathyp pi nai keung ly kanih mai ka-syn salo i baichu kangjiu, kanih mai ka-syn phangphichi amthyp iy, maicham tleaung i tawnbawi maidym ai, maicham teng mang y khai ai nai tla.

¹¹Naibaly ni ly ateaung atha iy, tai naira angam mang i reita y chai nai meingtym y maidym syn ai nai tla.

¹²Maicham mai ly angveaung aninau ai nai tla i, mai ly mana khala py dei ai nai tlo y. Pathyp pi nai keung ly maicham tleaung y theng khai iy, leng patlum ai nai tawnbawi ai theng tleaung y pajyn hyh ai nai tla. Huni maicham salo y leunghawi apathyp nai tawnbawi thau ai, leng patlum ai nai tla.

¹³Maicham mai ly angveaung aninau au ai nai tla i, mana khala py mai dei ai nai tlo y.

¹⁴Hinichi ly teicha teinei talam ai nai i vui y reita leu pei naichi ne. Aron i kangpreang pathyp pi nai keung ly maicham mo y ARENG teng y teicha teinei talam ai nai tla.

¹⁵Naibaly pathyp pi nai keung ly tako dei kiu angsorei, asitui maidenrei hawi mui kahawichi syn iy, maicham salo y leng patlum ai nai tla. Hini teicha teinei katalamra mui kahawi ai ly ARENG my kawn pi nai ne.

¹⁶Tako dei kamlai ly pathyp pi nai keungchi cha ai nai ne. Pathyp pi nai keung ly tako deira y angbo tabawi y naimy tako paawp iy, ARENG i awmra Tabynako apai theung i meingtym kachaira y cha ai nai tla. ARENG my huni tako dei ly teicha teinei katalamra theung i pathyp pi nai keungchi ai pei nai phy ne. Huni teicha teinei katalamra ly kamngo pahen nai hawi kamngo pajeng nai katalamra kamta chai parai nai ne.

¹⁸Aron i kangpreang neampachochi ly ARENG teng y talam nai teicha teinei talam naira i phy nga nai ly cha u jojo ai nai tla. Khumi takhra leaungrei ly huni teicha teinei katalamra ai abi lawh baly, huni ly kai i sa thai naira hawi kachai ne nai deaungkho y pa jeng naira tym hai ai.

¹⁹ARENG ly Mosi teng y hini reitachi pei pi nai ne:

²⁰Aron i kangpreang leaungrei ai pathyp pi nai keung tahm palyn nai kani y, ni ly ARENG teng y tako dei sie nyhrei talam ai nai tla; (Kani tleirei teicha teinei talam nai jirei ne.) Khawn mang y sierei, dym mang y sierei talam ai nai ne.

²¹Tako dei ly asitui hawi katlen iy tamo laawm pangdaira taheang ai nai tla; naibaly huni tako ai kanawi piu iy teicha teinei talam nai kamta, ARENG teng y talam ai nai tla. Huni katalamra i mui kahawi ai ly ARENG my kawn pi nai ne.

²²Aron kangpreang theung i pathyp pi nai keung kalen keh sa ai tla nai ngiereichi ly huni katalamra sa jojo ai nai tla. Hini leu pei nai ly deungtasarei tangai ai nai tla. ARENG teng y talam nai huni teicha teinei katalamra ly leng patlum be ai nai tla.

²³Pathyp pi nai keung i talam nai teicha teinei ly ami py cho ngau y, leng patlum be ai nai tla.

²⁴ARENG my Mosi teng y

²⁵Aron hawi ni i chapochi teaung ai nai kamngo pahen nai kapathypra reita pei pi nai ne. Maicham tosyh ngan mang i leng patlum nai tawnbawichi tleh naira y, kamngo pahen nai kapathyp tawnbawi tleh ai nai tla. Hini katalamra ly khri pa-rei chai nai ne.

²⁶Huni tawnbawi ai pathyp pi nai keung ly ARENG i awmra Tabynako angtheung i, meingtym kachaira y tawnbawi mawi cha ai nai tla.

²⁷Khumi ami py, huni tawnbawi ngan ai abi lawh baly, huni ly sa thai naira awm iy kachai ne nai deaungkho y pajeng naira avum ai. Tawnbawi thi abawi nai ateaung ai ly meingtym kachaira y pasiu ai nai tla.

²⁸Tawnbawi ngan byh hai nai alai laawm ai ly pakawi phiu ai nai tla; nganbawi ai kheupaja laawmra byh lawh baly, kachi pan ai nai tla.

²⁹Pathyp pi nai keung yhm dengtheung theung i neampacho bawibawichi ly huni tawnbawi mawi cha pajau; huni katalamra ly khri pa-rei chai parai nai ne.

³⁰Na i py tawnbawi thi ly Tabynako angtheung y syn iy, kamngo pahen nai kapathypra y teaung baly, huni tawnbawi mawi ly cho moh; mai patawi vui ai nai tla.